Juwsan o’simligi du’nya ju’zindegi en’ paydalı o’simliklerdin’ biri. Evropada bul sho’pti artemziya dep te ataydı. Bul o’simliktin’ da’rilik qa’siyetlerin izertlegen Artemidtin’ hu’rmetine qoyılg’an. A’yyemgi da’wirlerde olimpiada jarısları jen’impazlarına sıylıq retinde juwsannan tayarlang’an ishimlik ishkizgen.

Rimlikler juwsannan tayarlang’an sherbetti asqazan keselliklerin emlewde paydalang’an. Al qıtaylıqlar ayaq kiyimlerine juwsan japıraqların salıp ju’rse, tag’amg’a bolg’an ishtey artadı dep esaplag’an. Juwsan ten’iz sayaxatshıların tu’rli ten’iz keselliklerinen saqlag’an.

Bir na’rsege qapa bolg’anda juwsan sho’bin qasın’ızg’a qoysan’ız kewlin’izdi ko’teredi. Uyqısız adamlar juwsan sho’bin ko’pshiginin’ astına qoyıp jatsa jaqsı uyqılay aladı eken.

Juwsan iysi xanadag’ı hawanı tazalap, nervti tınıshlandıradı. Ha’tte monshag’a tu’skende de juwsan japıraqların bo’lmenin’ ishine qoysa kewil yoshdı jaqsartadı. Sebebi onın’ xosh iyisi adamg’a ju’da jag’ımlı.


Bekan’s blog
İnternet materialları tiykarında tayarlandı.