Djorn Barger global tarmaqta o’zinin’ jeke saytın jarattı ha’m og’an internetten tapqan jan’alıqlar, qızıqlı waqıyalar ha’m o’mirbayanın kiritip bardı ha’mde inı inglisshe "Web" ha’m "log"so’zlerin biriktirgen halda "weblog" yagnıy waqıya ha’diyselerdin’ tarmaqtag’ı dizimi dep ja’riyaladı.

Aldı menen, "Weblog" degen termin haqqında. En’ za’ru’rli, internet tarmag’ı tezlik penen rawajlanıp atırg’an bir waqıtta, veb resurs ha’mde weblogtı ayırıw a’himiyetli. İnternet tarmag’ında "resurs" so’zinin’ mazmunı – bul internet tarmag’ınan orın alg’an, domen ma’nziline iye bolg’an ha’m mag’lıwmatlar menen bayıtılg’an, sonday-aq bir neshe veb betlerdin’ jalg’ız ko’pligin qurag’an materiallar bolıp tabıladı. Weblog bolsa mine usı internet tarmag’ında resurslardın’ jan’a bag’ıtındag’ı veb xızmetlerinin’ biri bolıp tabıladı ha’m bul terminnin’ ja’ha’n informatsiya tu’rindegi vikipedia materiallarına su’yensek, blog yag’nıy veblog – bul veb saytlardın’ bir dizimi bolıp, ol o’z ishine maqalalar, jazıwlar, jan’alıqlar, su’wretler ha’mde multimedia mag’iwmatların qamtıydı. Bloglar tiykarınan belgili waqıt dawamında qısqa mag’lıwmatlardı jetkerip beriwi menen xarakterlenedi.

Blogqa bir neshe jıllar avtorlardın’ shan’arag’ı haqqında, hobbileri, ka’sibi haqqındag’ı maglıwmatlar kiritilgen ha’mde og’an a’piwayı kompyuter ku’ndeligi retinde qaralg’an. Bu’gingi ku’nge kelip blog paydalanıwshılardın’ o’z pikirlerin an’latıw quralı bolıwı menen birge jer ju’zinin’ qa’legen jerinen mag’lıwmat alıwshı derek , internettin’ bir bo’legi retinde qa’liplesti. Usı tarawdın’ qısqa waqıt ishinde g’alabalasıp ketiwi son’g’ı jıllarda internette jan’a taraw – "blogsphere" (blog tarawı) nın’ payda boiwına sebep boldı. Biraq jaratılg’an bloglardın’ ha’mmesin talap da’rejesinde dew qıyın, sebebi bloggerler arasında bul tarawdı ka’sipke almastırıp alg’an kemshiliklerde ushırasadı. Blog iyelerinin’ ko’pshiligi a’piwayı internet paydalanıwshıları bolıp, olar ushın o’z bloglarındag’ı mag’lıwmatlar basqa insanlardı qızıqtırmawı a’himiyetsiz, olardın’ maqseti o’z o’miri ha’m bolıp o’tken waqıyalardı basqa bir insan menen bo’lisiw ha’m doslasıwdan ibarat. Blog ku’nnen ku’nge g’alabalasqanı sayın o’zinin’ da’slepki qa’siyetin jog’altıp, ken’eyip barmaqta. Endi og’an ku’ndelik yaki periodlı electron gazeta retinde qaraw nadurıs boladı.

Bloglar tiykarınan jeke, korporativli, media bloglarg’a ha’m janırı ta’repinen bolsa bilimlendiriw, turizm, texnika, moda, injenerlik, muzika, xabar, jan’alıqlar ha’m basqada tu’rlerde bolıwı mu’mkin.