Smartfon o’ndiriwshi ko’plegen kompaniyalar jan’a o’nimlerin ku’shli protsessor menen ta’miyinlewge dıqqat qaratıp atırg’an bir waqıtta Philips kompaniyası quwatlı batareyag’a iye jan’a zamanago’y gadjetlerdi islew o’ndirisine dıqqat qarattı.

Ha’zirgi waqıtta du’nya ju’zlik smartfonlar sawdasında Android platformasında isleytug’ın o’nimlerge talap artqan. Sonday-aq bul operatsiyalıq sistema basqarıwında islewshi smartfon o’nimleri du’nya ju’zlik iri kompaniyalar ta’repinen o’ndirilmekte. Mine endi Philips kompaniyasıda usı operatsiyalıq sistema basqarıwında isleytug’ın jan’a Philips Xenium W8510 qurılması u’stinde islemekte. Onın’ basqa smartfonlardan artıqmashılıg’ı batareyasının’ ko’lemi 3300 мА/saattı quraydı. Sonday-aq ol ku’tiw rejiminde 35 ku’nge shekem qosımsha quwatsız (batareyasız) xızmet ete aladı. Sonın’ menen bir qatarda qurılma tag’ı basqada artıqmashılıqlarg’a iye. Protsessorıda jan’asha u’skenelengen, al ekranıda u’lken.

Qurılmanın’ basqa ba’sekileslerinen (u’lken batareyalı telefonları bar) ayırmashılıg’ı onın’ displeyinin’ diagonalı bolıp tabıladı. Ol 4,7 dyumg’a iye. Displey IPS texnologiyası menen qurallang’an. Sonlıqtan telefondag’ı su’wretlerdin’ de sapası joqarı bolıp, 1280x720 pikselli HD formatında ko’rinislerdi su’wretke aladı.

Endi gadjetke ornatılg’an protsessor haqqında toqtalıp o’tsek, Philips Xenium W8510 taktli jiyiligi 1,2 gigagertsti quraytug’ın MediaTek MT6589 protsessorı menen jumıs isleydi. Joqarıda keltirilgen protsessordın’ jumıs islew printsipinde protsessor energiyanı en’ ko’p sarıplaydı. Biraq sog’an qaramastan smartfon batareyası usı MediaTek MT6589-benen 35 ku’nge shekem ku’tiw rejiminde jumıs isley alatug’ını onın’ ba’sekelesleri ushın ku’tpegen jan’alıq bolsa kerek.

Smartfon o’ndirisinde ta’jiriybesinin’ azlıg’ına qaramastan Philips jan’a qurılmasına artıqmashılıqlar beretug’ın birneshe xızmet tu’rlerin endirgen. Korpusıda metaldan islengen. Al Philips kompaniyasınan shıqqan ha’r qanday o’nimnin’ sapası turmısta a’lleqashan da’liyllengen.

Ha’zirgi waqıtta smartfon o’ndirisin ko’plegen kompaniyalar jolg’a qoyg’an. Bular arasındag’ı ba’seke bunın’ menen toqtap qalmaytug’ın sıyaqlı. Sebebi ha’r bir o’nimge na’zer salsaq, olar basqalarınan ayrıqsha bolıwg’a ha’reket etpekte. Bulardın’ ha’mmesi tutınıwshılarg’a jaqsı qolaylıq jaratıw ha’m o’z bizneslerinin’ alg’a ilgerlewine jol ashıwdı bildirse kerek.


derek ko’zi: mapitom.ru