Birinshi qar jawdı.... Esin’de ma? O’tken jılı ushraspasımızdan bir ku’n aldın ko’p bolıp qar jawıp edi. Sonda sen aytıp edin’- men sen ushın jawdırdım sol qardı dep. Sen ju’da’ hazilkesh, tınbay so’yleytug’ın edin’. Men bolsam ju’da uyalshaq edim.

Senin’ menen ushrasqanıma mın’ pushaymanman demeymen. Sen arqalı men bul du’nyada ko’zin’e qarap turıp jalg’an so’yley alatug’ın insanlar bar ekenin bildim. Sendey bir axmaqtı jaqsı ko’rdim. 18 jasımda birinshi ma’rte muxabat haqqında oylap ko’rdim. Sen 19 jas bolsan’ usı aralıqta 18,19 qız benen jurdim degenin’de men ba’rin o’zgertemen, meni sonday jaqsı ko’rip qalasan’, heshkimge qaray almaytın bolıp qalasan’ dep edim sonda o’zime o’zim.

27-yanvar ku’ni qar aralas jawın jawdı. Sol ku’ni men 19 jasqa toldım. Anam aytıp edi sen tuwılgan ku’ni ju’da-ju’da ko’p qar jawdı dep. Ha’r jılı sonday bolatug’ın edi, qar ko’p jawatug’ın edi. Biraq sol 19 jasqa tolgan kunim... Ne ushın bunday boldı. Ne ushın sol ku’ni kelmedin’. Ne ushın sol ku’ni qar jawdırmadın’. Jawın jawdı… Qar erip ketkenindey sen ha’m sol qarg’a uqsap joq boldın’. Sol jılı 27-yanvardan keyin qayta qar jawmadı. Sende qayta ko’rinbedin’. İzsiz joq bolıp kettin’. Eger izin’ bolg’anda da seni izlemes edim…


Aytgu’l.
su’wret: www.live-evil.org