Erte tan'! Quyash ele uyasınan shıqpag’an...
Negedur oyanıp kettim,ja’ne sol bolıp o'tken waqıyalar esime tusti, qa’ne edi ba’ri bir tu's bolıp qalsa. Nege menin' oylarıma ornalasıp aldın', nege?? Nege endi oylarımnan ketpeysen', ol insannın' o'zi ketip boldı, al oyları qalıp qoydı, ismi qalıp qoydı ju’regimde.
Nelikten sag'an bunshama baylanıp qaldım? Senin' sol aytqan so'zlerin'di eslesem kewlim buzıladı. "Sag'an qattı baylanıp qaldım, endi ne qılaman?" degen so'zin'di heshqanday sezim, tuyg'ısız aytqanın'dı sezip tursamda... Sennen ayrılıp qalıwdan qorıqtım,qorqatın edim. O'zin'eda aytqanman sen sonda ku'lip edin'! Ku'ldin'!
Nege ta’g'dir bunday qatal, seni menen ushrasqan ku'nime qattı pushaymanman, sol kezde muxabatın'dı juwapsız qaldırg'anımda mu’mkin ba’ri basqasha bolarma edi, sol eslewler bolmas edi, qalmas edi ju’regimde...
Ku'tiw azabı qanshalıq qıyın.... Sennen a’lleqashan ayrılg'an bolsamda bul ju’rek u'mitin'di u’zbe deyberedi.
Ol insan du’nyanın' bir mu'yeshinde jasap juripti, meni umıtıp ketken bolsa kerek! Umıtqan! Men bunı bilemen.
Sonda sag'an birinshi bolıp o'zim ayttım - "O'mirimnen jog'alıp ket!" Sol so'zdi aytıw men ushın qanshalıq qıyın bolg'anın bilmeysen', sezbeysen'! Sen mag'an ket! Endi seni jaqsı ko'rmeymen dep aytpasan'da senin' ha’rbir so'zin'nen, qarawın'nan, ha’reketlerin'nen bunı sezdim! Telefonın'dı u'sh ku'nge o'shirip qoyg'anın'da… jıladım o'zime ashınıp jıladım. Aytgu’l sag'an ne bolıp atır, o'zin'di usla, ol senin' sol muxabbatın'a ılayıqpa eken dep o’zimdi jubattım. Qa’ne ju'rek sol ga’pke boysınsa ol tan'lawın tan'lap boldı, men ju'rekti emes, jurek meni boysındırdı. Sen endi bir eles bolıp, jazdın' ku'ni jawıp o'tken jawınday joq bolıp kettin'. Seni qayjerden izlewdide bilmeymen. Joq. Joq! Men seni izlemeymen, sagan sol kezde wa’de berdimg'o seni heshqashan izlemeymen dep. Endi bul muxabatqa jolıqpayman,ol qasıma kelsede onı quwıp jiberemen, men basımnan o'tkizgen qayg'ılar ja’ne qaytalanıwın qa’lemeymen! Qorqaman! Janımnın' Jartısı… senin' menen o'tken 27 ku’n men en' baxıtlı insan edim, endi bolsa...
31 dekabrde seni ushıratıp 27 yanvarda sennen ayrıldım.
Ko'zimdi qattı jumıp aldım, bul jerde qaran'gılıqtan basqa hesh na’rse joq, sonnan keyin qansha waqıt o'tkenin' bilmeymen meni bir jarıqlıq tu'rtkiley basladı, men ele sol qaran'g'ılıqta ekenimdi sezdim, ko'zimdi a’ste g'ana ashtım qarasam quyash alleqashan uyasınan shıqqan. Menin' ko'zimdegi jas joq bolıp ketken. Quyash ko’z jasımdı joq qılıp jibergen! Quyashtın’ nurları menin’ ju’regime jaqsılıq nurların jawdırg’anday sezindim ha’m kewilli tu’rde ku’lip oyandım.
Aytgu’l.
su’wret: yandex.ru saytınan
Ku’nler menen xatlar…
Bir jigit sulıw qızg’a qattı ashıq bolıp, shın ju’regi menen sezim xatın jaza baslaptı. Ko’p waqıt o’tpesten, qızdan juwap xatı da kelipti. So’ytip, jigit konvertti ashsa...
Ashıq ju’rek…
Muxabbat degen so’zdi esitsem kino filmler, klipler, qosıqlar ko’z aldıma keledi. Yamasa kitaplardag’ı eki ashıqtın’ a’jayıp gu’rrin’leri…Geyde muxabbat barma? Bar bolsa qayaqta degen ko’p oylar...
“Ushırasıw” (Monolog)
Men u’ydin’ en’ kishkenesimen. Sonın’ ushınba sa’l erkeligim basımlaw. Kishkentay na’rsege de o’kpelep qalatug’ın a’detim bar. Bul a’detimdi joq qılmasam bolmaydı. Sebebi ko’p pa’nt jep qalaman, ha’r...
Baxıt tuwralı oylarım….
Mine ja’ne bir nurlı tan’ attı. A’dettegidey, erte uyqımnan oyandım. Ko’p waqıt o’tpey oqıw da’rgayım universitetke jetkenshe asıqtım. Jolda ketip barar ekenmen, qarsı...
Bu’gingi ku’n keshegiden basqasha
Eeeh ju’rek. Menin’ sag’an sorawım ko’p. Sebebin ha’zir aytaman…...
