“Ushırasıw” (Monolog)
Men u’ydin’ en’ kishkenesimen. Sonın’ ushınba sa’l erkeligim basımlaw. Kishkentay na’rsege de o’kpelep qalatug’ın a’detim bar. Bul a’detimdi joq qılmasam bolmaydı. Sebebi ko’p pa’nt jep qalaman, ha’r qıylı gu’manlar payda boladı. Kelin’ sizlerge bir waqıyanı aytıp bereyin!
- Telefonda bir qız benen dostım arqalı tanıstım. Dostım onı mag’an meni og’an "eki etaj" qılıp maqtap taslaptı. Ol qız benen telefonda so’yleskenimde o’zin uyalshaq ko’rsetetug’ın edi menin’ na’zerimde, bir jag’ınan meni mensimeytug’ınday bolıp so’ylegendey edi.
Qullası ushırasatın boldıq, Saranshada altınshı ko’shenin’ basında saat tu’ski 12:00 de. Negedur tabanım tartpay atır. Menin’ qıyalımda, gu’manım da ol kelmeytug’ınday. Usı gu’manlar menen saat 11:30 da ushırasatug’ın jerimizge bardım. Men aytılg’an altınshı ko’shenin’ basında turman. Saat 12ge jaqınladı. Bir waqıtta bir birinen sulıw, boyı uzın u’sh qız kiyatır. Ja’ne gu’manım payda boldı “haw ol bir o’zim kelemen dep edig’o… qaysı biri eken ya, ha’zir u’shewi muzqaymaq jeymiz dep qalsa ya, men ne qılaman? Alıp beremen, yag’aw qalay alıp beremen, qaltamda jol kireyden basqa pul joq ulıwma! Usınday gu’manım menen otırg’anımda ol qızlar o’tti de ketti. Biraq ishinde bir qız mag’an “sınıp” qaldıma deymen, qarawı basqasha boldıg’o. Saat 12den 30 minut o’tti, qız joq. Jolda shıg’ar, qız bala bolg’an son’ nazlanadı, yaxshı birge shekem ku’temen…. Saat 1:30 boldı, biraq ele u’mitim bar! Bir jag’ınan gu’manım jawın bolıp jawa basladı “a’ne gu’manım durıs eken, ol kelmeydi ushırasıwg’a, meni tu’sirip ketti… Biraq ol kelemen, aldamayman dep wa’de berip yedig’o!
Qoy ja’ne biraz sabır eteyin, saat 2:30 boldı.Gu’manım ot bolıp janıp, shaqmaq bolıp shag’a basladı “tochno kelmeydi ol,so’ylegeninen-aq sezip edim-aw, ma’ sag’an erkek bolıp qız baladan aldanıp qaldım, qanday uyat ya? Bolmasa qon’ıraw qılıp ko’rsembe eken? Yaq yaq, qaytıp qılmayman, yarım saat ku’temen son’ ketemen”, ol qızdın’ aytqan ga’plerine ele isenimim barda, usı isenimim menen yarım saatım bir sag’atqa sozıldı, saat 3:30 boldı, “boldı tamam” dedim de qolıma telefondı alıp, sol qızdın’ atı jazılg’an nomerdi “udalit” qıldım. Keyin a’ste ju’rip, qattı gu’manlanıp jayaw ketip baratırsam telefonım shın’g’ırladı, alsam bizlerdi tanıstırg’an dostım mag’an:
- Jora onday qılatug’ının’dı bilmeppen, qurı adamdı uyatlı qıldın’, ol qız jılap-jılap ketip baratır, nege onday qıldın’.
- Tu’sinbedim jora…..
A’ne sag’an, ba’rin keyin anıqladıq, men Saranshanın’ altınshı ko’shenin’ basına 11:30da barıp, 3:30g’a shekem gu’manlanıp ku’tken bolsam, ol qızda 11:30da sol altınshı ko’shenin’ ekinshi basına barıp u’shke shekem ku’tipti…
A’ne qızıq degen, ol qızda ha’r na’rseni gu’manlanıptı. Endi ushırasatın bolsam anıq belgileymen.
Nurmuhammed Jumag’ulov
O’zMKO’Mİ NF
“Televidenie ha’m radio rejissyorlıg’ı”
bo’limi 3-kurs studenti
su’wret: mrwallpaper.com
2013-05-13 12:44:00
“m.Agent” waqtın’ızdı ha’m baxtın’ızdı urlayd ...
Aysanem menen Baxtiyar “agent”ten tanısıp, ko’p waqıtqa shekem so’ylesip ju’rdi. Olar usı baylanıs quralı arqalı-aq bir-birine baylanıp, jaqın bolıp qaldı. Birin-biri ko’rmey...
“Agenttegi ashıg’ım”
Ha’wes qılıp dostıma, Men de pochta ashtırdım, Esitip ko’p ta’riypin, “Agent” degen da’stu’rdin’....
Bu’gingi ku’n keshegiden basqasha
Eeeh ju’rek. Menin’ sag’an sorawım ko’p. Sebebin ha’zir aytaman…...
O’rmekshi torı (Gu’rrin’)
Bul du’nyanı qamtıp alg’an texnologiya a’siri, o’zinin’ jaqsı ta’repi menen birge, insanlarg’a zıyanlı ta’replerin tiygizip atır. Bul tuwralı aytatug’ın bolsaq, ju’da ko’p turmısta...
Asus du’nyadag’ı en’ arzan planshetin shıg’arıwdı basla ...
Asus kompaniyası MeMO Pad planshetin tanıstırdı. Bul jan’a planshettin’ bahası 149 dollar turadı eken. MeMO Pad plansheti Android 4.1 operatsiyalıq sistemasında jumıs isleydi....
