Sezimler ma’mleketi (gu’rrin’)
Bir ku’ni Muhabbat ha’m Ayralıq ushırasıp qalıptı. Olar bul du’nyada qaysı biri hu’kimran ekenligi jo’ninde ko’p tartısıptı. Ayralıq Muhabbatqa so’z bermey, barlıq sezimlerden joqarı ekenligin ta’kirarlaptı. Sonda muhabbat:
- Kel, onda basqa sezimlerdin’ de pikirin bileyik, - dep Ayralıqtı sayaxatqa shaqırıptı. Olar sezimler ma’mleketine jol alıp, birinshi bolıp, olarg’a İsenim duslasıptı.
- Eh, men o’mirimdi jasap boldım. Adamlar waqtında mennen ko’p paydalandı. Su’yiliw, doslasıw ushın atımdı da’stan qılıp, biri-birin isendirdi. Lekin, waqıtlar o’tip, mennen ju’z burıp ha’m kereksiz buyımday ılaqtırıp tasladı. Mag’an Ayralıq hu’kimran, - dep bas iydi İsenim. Olar jolın dawam etipti ha’m jolda Mehirge duslasıptı.
- Ne deyin “seni jaqsı ko’remen”, - degen wa’delerdi esittim. Ja’ne waqıtlar sınag’ına shıdam beralmay, bir-birinen jıraqlastı. O’mirim ku’tiw menen o’tpekte. Kewillerinen mehir jog’alg’an insanlar meni joqlawdı da umıttı. Mag’an Ayralıqtı mu’na’sip ko’rdi. Muhabbat İsenim ha’m Mehirdin’ Ayralıqqa jan basıwın ko’rip, ilajsız bas iyipti. Az waqıttan son’ aldınan opadarlıq ushradı.
- Opadarman, opadarman dep jang’anlar tezde so’ndi. Qanshadan-qansha shan’araqlar jaratıp, olar menen birge o’spedim. Muhabbatın umıtqanlar bir-birine opasızlıq ete basladı. Atım jer menen bir boldı. Na’tiyjede, Ayralıqtın’ torına ilindim. Endi, jalg’ızban.
- Opadarlıqtın’ so’zleri Muhabbattın’ ju’regine nishterdey shanshıldı. Ol Ayralıqqa endi ornın bosatıp bermekshi bolg’an ma’ha’l …
- Toqtan’lar, bul ma’mlekette menin’de ornim bar, - dep (ha’wlig’ip) kiyatırg’an U’mit ko’rinipti. Ayralıq o’zinin’ a’zeliy dushpanı U’mitti ko’rip oylag’anı pushqa shıqqanın an’ladı. Ba’lkim, sezimler ishinde en’ kishisi shıg’arman, lekin, mende du’nyalarg’a tatırlıq ku’sh bar. İsenimnen, Mehirden, Opadarlıqtan ayrılg’anlar janıma keldi. Olarg’a bir gu’l tuqımın berdim. Onın’ japırag’ı - isenim, gu’li - mehir, shaqası - opadarlıq, dedim. Mine, usı gu’ldi o’sire alsan’ız muhabbat a’lbette, janın’ızg’a qaytadı, -dep u’mit berdim. Ha’zir g’ana sol gu’ldin’ birewi o’nip shıqtı. Adamlar kewline sezimler qayttı. Endi olar ayralıqtı oylamaydı… Bul saparıda maqsetine erise almag’an Ayralıq U’mitke qarsı shıg’a almay, o’z jolına tu’sip kete beripti. Muhabbat bolsa sezimler ma’mleketinin’ go’zzal malikası bolıp qala beripti.
5 iyun, 2013 jıl.
Gu’ljahan Seytniyazova
Men izlegen ko’zler
Muhabbat haqqında so’z barar eken meni o’zgeshe sezimler biylep, sol bayag’ı awıldag’ı qarapa’ren’ qız ha’m onın’ mag’an bolg’an pa’k sezimleri oyımdı ba’ntleydi....
Zu’lfiya - pa’kliktin’ tımsalı
O’zbek poeziyasının’ en’ jarqın juldızlarının’ biri bolg’an Zu’lfiyaxanım do’retiwshiligi o’zbek a’debiyatı tariyxında u’lken iz qaldırdı. Onın’ qaysı bir...
Muhabbat fasli
Muhabbat qo’shig’in birga kuylasak, Hamda sevgimizni birga so’ylasak, Hatto bir fikrni, o’yni o’ylasak, Muhabbat degani asli shu erur,...
Muhabbatın’nan
Aspan mısal sheksiz oylarım, Boyların’a jetti boylarım, Mag’an bolg’an muhabbatın’nan, Quyarlıg’ın taptı saylarım....
