Suwıq hawanın’ mobil telefonlarg’a ta’siri
Qıs ma’wsiminde telefonlar menen zamanago’y smartfonlardın’ ayırım funktsiyaları suwıqta jumıs islemey qaladı. Sensorlı ekran qıyınshılıqları, funktsiyalardın’ qatıp islewi, akkumulyator quwatının’ tez tamamlanıwı…h.t.b Suwıq hawa telefonımızg’a tag’ı qanday zıyanın tiygizedi? Qaysı telefonlar suwıqqa shıdamaydı? Al qaysıları shıdamlı ko’rip shıg’amız.
Fin saytı MicroPC telefon qurılmalarının’ suwıqqa shıdamlıg’ına krash-test o’tkerdi. Ta’jiriybege 16 ataqlı telefon markası tan’landı: iPhone 4S, iPhone4, Nokia C1-01, Nokia C2-02, Nokia C5-00, Nokia C5-03, Nokia C6-01, Nokia E7, Nokia E65, Nokia N8, Nokia N9, Nokia 700, HTC Evo 3D, Samsung Galaxy S Plus, Samsung Gio, Samsung Mini, Samsung Galaxy S II, Samsung Xcover.
Ta’jiriybe barısında barlıq telefondı arnawlı muzlatqıshqa salıp, suwıqtın’ ta’sirin baqlap bardı.
-5°-ta iPhone- da 4S SIM-kartasın ko’riwde qıyınshılıqlar kelip shıqtı, al Nokia N9-dın’ akkumulyatorı to’menley basladı.
-10°-ta iPhone 4, Samsung Gio ha’m Samsung Mini-din’ islewinde tu’rli qıyınshılıqlar kelip shıqtı, al iPhone 4S o’ship qaldı.
-15°-ta Nokia-nın’ ko’p modelleri (Nokia C1-01, Nokia C5-00, Nokia C5-03, Nokia E7, Nokia E65 penen HTC Evo 3D) qıyınshılıqlar menen islegen bolsa, al Nokia C6-01 o’ship qaldı.
-20°-ta Nokia C2-02 menen Samsung Galaxy Gio telefonlarının’ funktsiyaları ha’lsirep, al iPhone 4, Nokia C5-03, Nokia E7, Nokia N8, Nokia N9 HTC Evo 3D-lar bolsa o’ship qalg’an.
-25°-ta Nokia 700, Nokia C5-00 ha’m Samsung Galaxy S Plus telefonları o’ship qalg’an.
-30°. Bunday suwıqqa Samsung-tın’ eki smartfonı: Samsung Gio menen Samsung Mini shıday almadı.
-35°-ta Galaxy S II menen Samsung Xcover, sonday-aq Nokia C2-02 o’ship qaldı. Bul waqıtta Nokia-nın’ eki telefonı jaqsı islep turdı: Nokia C1-01 ha’m Nokia E65.
-45°. Son’ına shekem shıdag’an Nokia C1-01 menen Nokia E65 te o’shti.
İtibar bergen bolsaq sensorlı ekranlı telefonlarda qıyınshılıq -10°-ta baslandı. Bul ekrannın’ qatıwına baylanıslı. Al telefonlar batareyasında -5°-ta tu’rli ximiyalıq reaktsiyalar ju’z berip, akkumulyator quwatı to’menlep basladı.
Sonı aytıp o’tiw orınlı, suwıq hawa rayı telefonlardın’ qa’legen tu’rine ta’sirin tiygiziwi mu’mkin. Sonlıqtan suwıqtan saqlaw ushın dalada ju’rgen waqıtta jiyi shıg’ara bermew maqsetke muwapıq.
İnternet materialları boyınsha tayarlandı.
25 fevral, 2013 jıl
Nokia usıng’an 41 megapikselli kamerasına iye Lumia 1020 smartfon ...
Nokia kompaniyası 11 iyul ku’ni Nyu-York qalasında jan’a Lumia 1020 smartfonın ko’rsetti. Apparattın’ baslı ayırmashılıg’ı – onda ornatılg’an 41 megapikselli kamerası bar. ...
Jan’a Nokia – 207 ha’m 208
Jaqında Nokia kompaniyası paydalanıwshılarına jan’a Nokia 207 ha’m Nokia 208 atlı telefonların tanıstırdı. Eki apparatta 2,4’’ QVGA displeyi menen u’skenelengen ha’m 3G(HSPDA, 7,2...
Nokia uyalı telefonı ha’mmeni hayran qaldırmaqshı
Nokia kompaniyası son’g’ı jılları uyalı telefonlar islep shıg’arıw boyınsha to’menlep ketken edi. Ha’tte ayırım analizshiler bul markanın’ da’wiri tamamlandı dep...
A’piwayı Nokia uyalı telefonları satılıwı jag ...
Ha’r tu’rli smartfonlar menen tu’rli bag’darlamaları bar uyalı telefonlar a’piwayı “eski” Nokia telefonınan satılıwı jag’ınan oza almay atır....
