Samsung kompaniyası jan’a Galaxy S5 o’niminin’ prezentatsiyasın ko’pshiliktin’ na’zerine usındı. Prezentatsiya keshesi Barselonanın’ xalqaralıq kongress orayında boldı. Kelin’ Samsung-tın’ aldag’ı o’nimleri menen tanısayıq.

Samsung flagmanının’ sırtqı ko’rinisine ayırım o’zgerisler kiritilgen, degen menen qurılmalarındag’ı da’stu’rli plastik sol qa’lpinde. Ma’selen, smartfonnın’ aldın’g’ı paneli Galaxy S4 ten berli o’zgeriske ushıramag’an bolsa da, artqı qaqpag’ın Nexus 7 modelinin’ 2012 jılg’ı modeli menen salıstırıwg’a boladı. Samsung dizaynerlerinin’ aytıwınsha, bunday sırtqı ko’rinis telefondı qolda uslaw ushın ju’da’ qolaylı.

Son’g’ı waqıtları telefon o’ndiriwshiler ıg’al ha’m shan’nan qorg’aw standartın sha’rtli tu’rde engizgen Bul usı smartfong’ada tiyisli. Smartfon IP67 standartına sa’ykes talaplardı orınlaydı. Devays paydalanıwshılarg’a aq, qara ha’m sarg’ısh ren’lerde usınıladı.

Galaxy S5 ekranının’ mu’mkinshiligi 1920x1080 noqatlı 5,1 dyumlı o’lshemlerge iye. Panel tipi – AMOLED. Smartfon 2,45 GGts jiyiliktegi ha’m jiyiligi 578 MGts shekemgi u’lkeygen Adreno 330 grafikalıq yadrosı bar Qualcomm Snapdragon 801 protsessorları menen u’skenelengen. 2 Gbayt operativli ha’m 32 Gb qa shekemgi flesh-yadları bar. Eger bul yadlar jetpese microSD kartası arqalı bunnanda joqarı sıyımlıqqa u’lkeytiwge boladı.

Ja’ne bir jan’alıg’ı qurılmada o’z iyesinin’ barmaq izlerin tanıytug’ın funktsiyası da bar. A’jayıp datchigi birden u’sh barmaqtı tanıy aladı. Bul qa’wipsizlik ushın ju’da’ za’ru’r, yag’nıy bloklaw xızmeti jaqsı jumıs isleydi ha’m bul o’z gezeginde jeke informatsiyalardı qorg’awg’a qolaylı. Bunnan tısqarı, Galaxy S5 “tamır urıwın” esaplaytug’ın datshigi bar da’slepki smartfon.

Jan’a modeldin’ kamerasıda maqtawg’a ılayıqlı. Sebebi tu’sirgen su’wretlerinin’ sapası jaqsı. Al kamerası videolardı Ultra HD formatında tu’siredi.

Smartfon Wi-Fi 802.11 a/b/g/n/ac, MIMO(2x2), Bluetooth 4.0 ha’m LTE Category 4 sımsız texnologiyaların qollaydı. Al operatsiyalıq sisteması Android 4.4.2 Kitkat ornatılg’an.



Sonday-aq, bul prezentatsiya keshesinde Galaxy S5 smartfonınan tısqarı, Gear aqıllı saatları menen de tanıstırdı. Bul saat 1.83 dyumli (432 x128 noqatlı) qayrılatug’ın ekranına iye jin’ishke qol saat. Gear Fit aqıllı saatındag’ı tiykarg’ı artıqmashılıg’ı ju’rek qan tamırların baqlaytug’ın (anıqlawshı) datshigi bar ha’m ha’r basqan adımdı anıqlawshı “adım sanag’ısh” funktsiyaların aytıwg’a boladı. Bundag’ı barlıq mag’lıwmatlar S Health qollanbasına beriledi.

Atalg’an eki o’nim aprel ayının’ 11-shi sa’nesinen baslap du’nya bazarına shıg’arıladı. Ha’zirshe ekewinin’de bahası haqqında informatsiya joq.


derek ko’zi ha’m su’wret: technodaily.ru