Қарақалпақ мәмлекетлик университетинде Европа аўқамының жоқары билимлендириўди раўажландырыў бойынша жумыс алып барып атырған Erazmus Mundus бағдарламасы гранты тийкарында студентлеримиз Европа еллеринде билимин жетилистирип келмекте. Усындай теңлеслеримиздиң бири социал-экономика факультетиниң финанслар қәнигелигиниң 4-курс студенти Галя Есмурзаева болды. Ол 2014-2015-оқыў жылында Erazmus Mundus бағдарламасы Timur жойбары бойынша Щвеция мәмлекетинде 10 ай даўамында оқыў грантын жеңип алды, ҳәхирги ўақытта Упсала қаласындағы Щвеция аўыл хожалық университетиниң «Бизнести басқарыў» бөлиминде билим алмақта. Галия менен жақында Интернет арқалы байланысып оқыў процеси, әсиресе, жаңа жылды европалылар қалай белгилейди деген сораў көбирек қызықтырған еди.

- Щвеция мәмлекетинде оқыў процеси қалай алып барылады?
- Бул жерде тема бойынша улыўма түсиник емес, ал арнаўлы билим бериледи. Оқыўға деген талап жоқары, баҳалаў болса, студенттиң сол пән бойынша улыўма түсиниги емес, терең билим дәрежеси, теманы анализлей алыўы, жеке пикири көбирек итибарға алынады.

- Ҳәммемиз жаңа жыл байрамын белгилеп атырмыз. Мениңше европада жаңа жыл байрамы алдынан рождествоны белгилейди?
- Европа халқы жаңы жылға қарағанда рождествоны сүйип байрамлайды. Рождествода барлық адамлар өзлериниң шаңарақ ағзалары менен биргеликте дәстурхан әтирапына жыйналып шадлықта белгилегенди жақсы көреди.
- Байрамды белгилеў ушын қандай таярлық көриледи?
- Европа адамлары үйлерин ҳәм көшелерди ҳәр қыйлы реңдеги шырақлар ҳәм буйымлар менен рождестводан алдын ақ безей баслайды. Щвед халқы ашық кеўил, миймандос халық. Олардың жүзинен күлки кетпейди. Щвеция жасаў ҳәм саяхат етиў ушын жүдә әжайып мәмлекети.

- Жаңа жыл тилегиңиз?
- I wish everbody good mood, health and happiness . Please feel holiday mood and be warm, kind and polite to everybody. Happy New Year!


Амина Мамутова,
Социал-экономика факультетиниң 3-курс студенти