Google korporatsiyası sensorlı ekran menen u’skenelengen kiyimler shıg’arıwdı rejelestirmekte.

Google korporatsiyası San-Frantsiskoda o’tkerilgen konferentsiyada Jacquard atlı joybardı tanıstırdı. Google joybar boyınsha usı tarawda jumıs islewshi Levi Strauss kompaniyası menen sheriklikte bul joybardı a’melge asıradı. Bul jobanı kompaniyanın’ kishi bo’limi Advanced Technology and Projects (ATAP) a’melge asıradı.

“Biz interaktiv tekstil shıg’ara alamız. Biz onı elektr o’tkizgish jiplerdin’ (sımlardın’) ja’rdemi menen isleymiz. Tawar sozıladı, onı juwıwg’a da boladı. Bul ku’ndelikli biz qollanılıp atırg’an a’piwayı tawar”, - dedi ATAP toparının’ qa’nigesi Emre Karagozler.

Joba boyınsha, tawar belgini (ımdı) tu’sine alatug’ın ha’m sensorg’a ta’sir ete alatug’ın boladı. Qa’legen kiyim menen sol tawardan islengen qurılma baqlaw funktsiyasına iye “touch-pad” texnologiyası menen u’skenelenedi.

Texnologiya sımsız baylanıs arqalı smartfonlar ha’m basqada qurılmalarg’a qon’ıraw etip, sms jibere aladı.


derek: gadgetblog saytınan.