Ha’zirgi waqıta robot texnikaları turmısımızg’a a’ste aqırınlıq penen kirip kiyatırg’alıg’ı belgili. Jaqında usınday robottın’ tag’ı bir tu’ri tanıstırıldı. Onın’ basqalarınan tiykarg’ı ayırmashılıg’ı – ol edendi tazalaw yamasa asxana jumısın islewge emes, al smartfon ha’m planshet korpusın tazalawg’a arnalg’anlıgı.

AutoMee S dep atalg’an gadjettin’ o’lshemi – 67x73x38 mm. Al salmag’ı – 82 gramm. Quwatlıqtı AA tipli batarekasınan aladı. Sonday-aq ol u’sh saat dawamında u’ziliksiz jumıs islewge uqıplı. Gadjet smartfon betin 4 minutta tazalap shıg’adı. Al planshet betin tazalaytug’ın bolsa odan eki ese jumıs isleydi. Yaponiyalıq AutoMee S o’nimi 28-martta satıwg’a shıg’arıladı eken. Onın’ du’kanlardag’ı bahası 17 dollardı qurawı ku’tilmekte.


su’wret, derek ko’zi: gadgetblog.ru