Ha’r ma’mlekettin’ mekteplerinin’ bilim beriw da’stu’ri tu’rlishe. “Mektep” ataması grekshe “skole” so’zinen alıng’an bolıp, “bos waqıt”, “demalıs” degen ma’nisti an’latadı. Bu’gin Megaline.uz arqalı du’nya mektepleri tuwralı qızıqlı mag’lıwmatlardı usınamız.

Ataqlı jazıwshılar Charlz Dikkens ha’m Mark Tven baslawısh klastı tolıq oqımag’an.

Ullıbritaniyada 11-18 jastag’ı mektep oqıwshılarına “sa’lem”, “ko’riskenshe” degen so’zlerdi aytıw qadag’an etilgen. Onın’ ornına “Salamatsızba?”, “Saw bolın’!” dep ra’smiy stilde so’yleydi.

Chexiya mekteplerinde en’ joqarı baha “1”, al en’ to’men baha “5”.

Elektr lampasın oylap tapqan Tomas Edison mektepte tek u’sh ay oqıg’an. Ol jeti jasında ata-anasına mug’allimnin’ xatın alıp kelgen. Xatta: “bala sabaqta ba’rqulla “ne ushın?” dep soraw bere beredi, ha’mmeden artta qalıp qoya beredi.” dep jazılg’an. Son’ ata-anası Tomastı u’yde oqıtıwdı maqul ko’rgen.

En’ ko’p waqıtqa sozılg’an bilim beriw Ullıbritaniyada bolg’an. Robert Kronin degen adam 52 jıl oqıp, mektepti 72 jasında pitirgen.

Du’nyadag’ı en’ ko’p waqıt dawam etken sabaq 2003 jılı bolg’an. Avstraliyada biolog professor 54 saat dawamında lektsiya oqıg’an.

Oqıw jılı du’nyanın’ 43 elinde -1 yanvarda, 16 ma’mlekette 1-martta, 122 elde 1-sentyabrde baslanadı.

Yaponiyada sabaqtı ko’terin’ki kewil menen baslaw maqsetinde bilim ku’ni 1-aprelde bayramlanadı.