Kompyuter menen Bill Geyts ekewi egiz tu’sinik sıyaqlı. Awa du’nya ju’zi biletug’ın Microsoft kompaniyasının’ negizshisi, ha’mmeni "aynalarg’a" qaratıp atırg’an da usı adamnın’ arqası. Zamanago’y kompyuterlik texnologiyalardın’ rawajlanıwı da usı insannın’ miynetinin’ arqasında. Geyts tuwralı qızıqlı mag’lıwmatlardı atap o’temiz.

1.Geyts haqqında jazılg’an kitaplar og’ada ko’p. Amazon.com saytına Gates dep kiritilse, og’an baylanıslı 137 mın’nan aslam na’tiyje tawıp bere aladı.

2. 13 jasqa tolg’an Geyts dosları menen birigip, mektep kompyuterlerinin’ mag’lıwmatların alg’an. Geytsti jazalawdın’ ornına Sietldin’ kompyuter orayına balanı jumısqa alıp, o’z bag’darlamaların tekseriwge tapsırma berip turg’an.

3. Kompyuterge degen qumarlıg’ın sezgen vunderkindtin’ ata-anası Billdi elektron mashinag’a bir jıl boyı jaqınlastırmag’an.Son’ bir jıl dawamında ataqlı bag’darlamashı ullı adamlardın’ o’mirbayanı menen tanısqan. Tariyxıy tulg’alardın’ oylaw qa’biliyeti menen logikası Billge qattı unag’an.

4. Bill Geyts ra’smiy tu’rde Garvard oqıw ornın taslag’anlardın’ ishindegi en’ baxıtlı adam bolıp tanıldı, degen menen, aradan bir neshe jıl o’tkennen keyin, Bill sonda da Garvardtı pitkerip, saltanatlı tu’rde diplomın aldı.

5. Ha’zirgi kompaniyasının’ atın Geyts da’slep "Micro Soft" dep jazg’an.

6. Onın’ u’lken atası nızam shıg’arıwshı organda jumıs islep, qala meri bolg’an, atası – ma’mleketlik bank prezidenti xızmetin atqarg’an, al a’kesi advokat bolg’an.

7. 1968 jılı Leksayd kolledjinde da’slepki kompyuter payda bolg’anda, Geyts ku’ni-tu’ni sol jerden ketpeytug’ın bolg’an.

8. Ol bos waqtında bag’darlamalar du’ziw menen shug’ıllang’an.

9. Geyts o’zinin’ professorlarına 30 jasqa shıqpay millioner bolaman dep aytqan eken.

10. 31-ge shıqqan Geyts milliarder!

11. Jıl sayın Geyts jeke menshigindegi u’ylerine ha’m ko’liklerine salıq retinde bir million dollar ko’leminde qa’rejet to’leydi.

12. O’zinin’ da’slepki bag’darlamasın Geyts mektep da’rgayında oqıp ju’rip jazıp, paydalanıwg’a engizdi.


Su’wret: copypast.ru