“Djinlin” kompaniyasının’ Nankindegi keme islep shıg’aratug’ın zavodı avstraliyalıq milliarderdin’ tapsırması boyınsha “Titaniktin’” ko’shirme nusqasın islewge bel bayladı.

2012 jıldın’ aprel ayında Avstraliyalıq milliarder Kliv Palmerden ataqlı kemenin’ ko’shirmesin islew boyınsha Qıtaydag’ı keme zavodına tapsırma bergen edi. Ol so’ytip, o’zinin’ bala waqtındag’ı a’rmanın orınlag’ısı kelgen eken. Titanik-2 ni islep shıg’ıw 2016 jılg’a rejelestirilgen. Palmerdin’ aytıwınsha barlıq jolawshılarg’a beriletug’ın tag’am 1912 jıldag’ı menyu menen birdey. Biraq ha’zirshe keme biletleri satıwg’a shıg’arılmag’an. Bul kemege minip, sayaxat etiw niyetin bildirip atırg’an tu’rli ma’mleketlerdegi puxaralar ten’iz sayaxatına yarım million dollardan aslam qa’rejet usınıp atırg’an eken.

Esletip o’temiz, “Titanik” 1912 jılı 14 aprel ku’ni apatshılıqqa ushırap, suwg’a batqan edi. Ra’smiy dereklerge su’yensek, bul apatshılıqta 1514 jolawshı qaytıs bolg’an bolsa, al 710 adam aman qalg’an edi. Bul tariyx betlerine Titanik kemesinin’ da’slepki ha’m son’g’ı saparı bolıp jazıldı. Onnan keyin bul keme haqqında ko’plegen ko’rkem filmler tu’sirildi.


su’wret: mgm.com.ua