Karles Puyol Saforkada

Barselona klubi’ni’n’ ko’p ji’lli’q komanda sa’rdari,Ispaniya saylandi’ komandasi’ni’n’ worayli’q qorg’awshi’si’ Karles Puyol Saforkada 1978-ji’li’ 13 aprelde Ispaniyani’n’ Pobla-de-Segur qalasi’nda tuwi’lg’an.Wo’z karierasi’ dawami’nda wol 593 ra’smiy ushi’rasi’wda maydang’a tu’sip 18 gol uri’wg’a yerisken.Puyol 17 jasi’na shekem “Barselona” klubi’ akademiyasi ta’rbiyalani’wshi’si’ bolg’an.Wol wo’zinin’ debyut woyi’ni’n 1999-ji’li’ 2-noyabr ku’ni “Valyadolid” klubi’na qarsi’ wo’tkergen,al 2004-ji’li’ komanda sa’rdarli’gi’n Luis Enrikeden alg’an. Isapniya quramasi’ndag’i’ debyut woyi’ni’n 2000-ji’li’ wo’tkergen Puyol 2002,2006,2010-ji’llardag’i’ Ja’ha’n chempionati’nda qatnasi’p 2010-ji’li’ Qubla Afrika Respublikasi’nda wo’tkerilgen Ja’ha’n chempionati’nda Ja’ha’n chempioni’ atag’i’n ali’wg’a yeristi.Bunnan ti’sqari’ wol 2008-ji’lgi’ Evropa chempionati’nda jen’iske yeristi.

Puyol futbolda da’slebinde 32 nomerde so’n 24 nomerde yen’ son’i’nda wo’zinin’ 5-nomerinde top su’redi. Puyol futbolda da’slep da’rwazaman wazi’ypasi’nda wo’zi tuwi’li’p wo’sken qala komandasi’nda top su’rgen.Puyoldi’n’ ata-anasi’ futboldi’ naqrti’rmaydi.Sol sebepli Wog’an qarsi’li’q ko’rsetedi.Soga’n qaramastan Puyol futbol menen ti’ni’msi’z shug’I’llani’wi’n dawam yetken.Anasi’ Roza bir ku’ni stadiong’a balasi’ni’ woyi’ni’n ko’riw ushi’n keledi.Bul woyi’n Lusi Enrike menen xoshlasiw woyi’ni’ yedi.Bul woyi’nda Puyol qi’zi’l kartochka ali’p maydannan shetlestiriledi.Wonnan son’ anasi’ uliwma balasi’ni’n’ woyi’ni’n tamashalawg’a tek g’ana bir neshe ji’llardan son’ Parijdegi final woyi’ni’n ko’riwge keledi.

Puyoldi’n’ Barselona komandasi’ndag’i’ jetiskenlikleri:
Ispaniya chempioni’ (6): 2004/05, 2005/06, 2008/09, 2009/10, 2010/11, 2012/13
Ispaniya kubogi iyesi (2): 2008/09, 2011/12
Ispaniya superkubogi iyesi (5): 2005, 2006, 2009, 2010, 2011
UEFA chempionlar ligasi jen’impazi’ (3): 2005/06, 2008/09, 2010/11
Evropa superkubogi iyesi (2): 2009, 2011
Klublar wortasi’nda ja’ha’n chempionati’ jen’impazi’ (2): 2009, 2011

Puyoldi’n’ Ispaniya qurama komandasi’ndag’i’ jetiskenlikleri:
Evropa chempioni (1): 2008,
Ja’ha’n chempioni (1): 2010,

Puyoldi’n’ jeke jetiskenlikleri:
Ispaniyani’n’ yen’ jas woyi’nshi’si’ 2000/01
Evropani’n’ yen’ ku’shli qorg’awshi’si’ 2005/06
Evropani’n’ simvolli’q komandasi’ qurami’na kirgen 2001/02, 2002/03, 2004/05, 2005/06;
UEFA varianti boyi’nsha Evropani’n’ simvolli’q komandasi’ qurami’na kirgen 2002, 2005, 2006, 2008, 2009, 2010
Sporttagi’i’ miynetleri ushi’n Koroleva ordeni menen si’yli’qlang’an 2011

Jaslar klubi’:
1993—1995 Pobla-de-Segur
1995—1996 Barselona

Klubtag’i’ karierasi’
1999—2014 Barselona 392 woyi’n (12 gol)
1996—1997 → Barselona C
1997—1999 → Barselona B 89 woyi’n (6 gol)

Milliy qurama komanda
1995 Ispaniya (18 jasqa shekem) 3 (0)
2000 Ispaniya (21 jasqa shekem) 4 (0)
2000 Ispaniya (23 jasqa shekem) 5 (0)
2000—2010 Ispaniya 100 (3)