Búgin mine taǵı janım taǵı seni eske aldım,
Seni menen ótken kúnderimdi qaytadan esime saldım,
Qáytemin súye almapsań menen basqanı oylapsań,
Meniń júregim bilesiń tek sen ushın arnalǵan.

Meni tastap janım sen búgin baxıtlısańba?
Al menen sorasań áli júrek qıynalıwda,
Ózgemenen bolsańda sen keshe kúndiz oylarımda,
Túslerimede kiresin birge júrgen qıyabaǵta.

Táǵdirim eken kónem basqa amalım joq,
Bul ómirde jalǵızlanıp júrekke qadadıń oq,
Bilseń seni áli súyem qáytip kelseń keshireyin,
Tek seni bir ómirge súyip baxıtlı eteyin.

Bul sózderim jetip barsa esh bolmasa oylanıp kór,
Ózgeniń qushaǵında qálemeymin bolıwıńdı qurı,
Sebebi ne dep sorasań seni suyem sebebi,
Janım senen ótinshim qáytip kelshi janımda bol.

Qıynalaman sensiz júregim shıdamaydı,
Yaki ólip qıynalıp azap otında janadı,
Seniń kózderiń sulıw onı umıtıp bolmas,
Eger qayta birge bolsaq meniń ármanım qalmas.

Men seni súyemin árdayım bilip júr,
Menen basqaǵa ketseńde júregim sende tur,
Qolımnan kelgeninshe qaytarıwǵa háreket ettim,
Biraqta negedur paydasın men kormedim.

Qolımdaǵı qızıl gúlim ol saǵan arnalǵan,
Seni ózgemen kórip qızıl gúlim quwraǵan,
Nege meni aldap sen ózgege kettiń?
Meniń pák sezimimdi sen ayaq astı ettiń.

Seni súyemin degen wádelerińniń biri,
Jalǵan wádeni berip meni aldadıńǵoy shını,
Qolımdaǵı kúnasız qálem tek sen jaylı ǵana jazadı,
Seniń atıńdı aytıp júrek degen tırnaladı.

Ayrılıq jalǵızlıq júregimdi qattı ezdi,
Qayta qayta esleymen ekewmiz júrgen kezdi,
Meni súymes ekenińdi júregim keyin sezdi,
Jalǵızban jalǵızban bul ómirde sensiz endi.

Senen ayrılǵanıma isenbeymen ele men,
Ne ushın ayt maǵan ózge janǵa ketkensen,
Nege ayt bul ómirim ayrılıqqa kezdesken,
Bul táǵdirim ne ushın maǵan qattı qatal kelgen.


Ergaliev Ulugbek.
Avtordıń basqada qosıqlar toplamın oqıw (2017);
Avtordıń basqada qosıqlar toplamın oqıw (2016);