Ármanım bolıp qaldıń artıńnan jılap qaldım,
Ketkenińde janımnan maǵan bir qaramadıń,
Esleymen hár kún seni umıtpa sende meni,
Ayrılǵanımızǵa sebep súyer ekensiń ózgeni.

Kútemen túnleri jılap hár kún qaytıwıńdı sorap,
Ótmishime qaramay keleshekke qádem taslap,
Qáyteyin umıta almasam janím seniń kózlerińdi,
Saǵınamın seni qumsap súyem degen sózlerińdi.

Túnleri ayǵa qarap izleymen kelbetindi,
Nege jaǵıp jiberdim bir dana súwretińdi,
Ayrılǵanıma senimen qattı ókinishtemen,
Meni taslap ketseńde janím seni súyemen.

Máńgi este qaladı janım seniń kózleriń,
Seni qızıqtırmadı ketpe degen sozlerim,
Sen ketkensoń qan jılap qaldı meniń júregim,
Basqa jigit tapqansoń saǵan bolmadı keregim.

Kettiń janım sen menen qol ustasıp ózgemen,
Ózgeni súyiwińdi jasırǵansań sen menen,
Sen maǵan juwap ber bolasań endi kim menen,
Keterseń ómirimnen biraq ketpeysiń júrekten.

Súretińniń kúli turıptı qollarımda,
Saǵan bergen gúlim turadı jollarıńda,
Seni umıta almadım ózge menen bolsańda,
Sen meni mensimeysin qonǵansań bay qollarga.

Muxabbatıńnan keship baylıq izinen quwdıń,
Oyıńdagı tek baylıq jaqınlarıńdı umıttıń,
Sezimine qaramay tek bay qollardı tuttıń,
Seniki bul sezim emes tek aqshaga bay kewliń.

Sen baylıqqa eristiń endi baxıtlısıńba?
Endi saǵan keregi baylıqpa ya muxabbatpa?
Júrektegi sózlerimdi bayandaymın osı xatqa,
Endi seni dep isenbeymen maxabbatqa.


Ergaliev Ulugbek.
Avtordıń basqada qosıqlar toplamın oqıw (2017);
Avtordıń basqada qosıqlar toplamın oqıw (2016);