“Kamolot” JJH Qaraqalpaqstan Respublikalıq baslang’ısh sho’lkemi ha’m “Kamolot” JJH A’jiniyaz atındag’ı No’kis Ma’mleketlik Pedagogikalıq Institutı baslang’ısh sho’lkemi janında du’zilgen “Ziyalı jaslar” intellektual klubı ta’repinen sho’lkemlestirilgen “Aydın” intellektual turnirinin’ III ma’wsim oyınlarının’ II turı artta qaldı. 13-dekabr ku’ni A’jiniyaz atındag’ı NMPI oqıw ima’ratında o’tkerilgen oyında Qaraqalpaqstan Respublikası joqarı oqıw orınları, akademiyalıq litseyler ha’m No’kis qalasınan 30 komanda qatnastı. II tur juwmaqları boyınsha, I orındı 10 ball menen NMPI qasındag’ı No’kis akademiyalıq litseyinin’ “Grand” ha’m QMU qasındag’ı 1-sanlı akademiyalıq litseydin’ “Opinion” komandaları, II orındı 9 ball menen A’jiniyaz atındag’ı NMPI din’ “Astrum”, “Universal” ha’m “Troya”, Berdaq atındag’ı QMU dın’ “Ekonomika” ha’m “Sinoptik”, No’kis qalasının’ “Spartak” komandaları, III orındı 8 ball menen No’kis qalasının’ “Vunderkind” ha’m “Kr Industrial” komandaları iyeledi. Oyın juwmaqları boyınsha en’ jaqsı na’tiyje ko’rsetken 18 komanda 20-dekabr ku’ni o’tkeriletug’ın “Breyn ring” oyınlarına qatnasıw huqıqına iye boldı. “Aydın” intellektual turnirinin’ gezektegi III tur oyınları 27-dekabr ku’ni A’jiniyaz atındag’ı NMPI oqıw ima’ratında o’tkeriledi.

To’mende turnir na’tiyjeleri menen tanısıwın’ızg’a boladı: