Usı jıldın’ 28-iyun ku’ni A’jiniyaz atındag’ı No’kis Ma’mleketlik Pedagogikalıq Institutı oqıw ima’ratında “Kamolot” JJH Qaraqalpaqstan Respublikalıq Ken’esi ha’m “Kamolot” JJH A’jiniyaz atındag’ı No’kis Ma’mleketlik Pedagogikalıq Institutı baslang’ısh sho’lkemi janında du’zilgen “Ziyalı jaslar” intellektual klubı ta’repinen sho’lkemlestirilgen “Aydın” intellektual turnirinin’ II reyting oyınlarının’ song’ı VII turı bolıp o’tti. Oyındı turnir sho’lkemlestiriwshileri bolg’an Bekmuratov Baxtiyar ha’m Mamutov Marat alıp bardı. Son’g’ı turda I orındı 10 ball menen Berdaq atındag’ı QMU dın’ “Kasta” ha’m “Ekonomika” komandaları, A’jiniyaz atındag’ı NMPI qasındag’ı No’kis akademiyalıq litseyinin’ “Grand” komandaları, II orındı 9 ball menen No’kis qalasının’ “Akademikler” ha’m “Smart” komandaları, A’jiniyaz atındag’ı NMPI din’ “Araks”, “Astrum”, “Berkut”, “Tumaris” ha’m “Universal” komandaları, III orındı 8 ball menen Tashkent Ma’mleketlik Agrar Universiteti No’kis filialının’ “Everest”, No’kis qalasının’ “Spartak” ha’m QMU janındag’ı 1-sanlı akademiyalıq litseydin’ “Opinion” komandaları iyeledi.



Final oyınınan keyin “Aydın” intellektual turnirinin’ II reyting oyınlarının’ ja’mi 7 turı juwmaqları boyınsha jen’impaz komandalardı sıylıqlar ma’resimi bolıp o’tti. O’tkerilgen turnir juwmaqları boyınsha I orındı 80 ball menen A’jiniyaz atındag’ı NMPI din’ “Astrum” komandası, II orındı 78 ball menen NMPI qasındag’ı No’kis akademiyalıq litseyinin’ “Grand” komandası, III orındı 76 ball menen A’jiniyaz atındag’ı NMPI din’ “Berkut” komandası, IV orındı 75 ball menen No’kis qalasının’ “Smart”, V orındı 72 ball menen No’kis qalasının’ “Spartak” komandaları iyeledi. No’kis qalasının’ litseyleri ortasında o’tkerilgen jarısta I orındı 42 ball menen NMPI qasındag’ı No’kis akademiyalıq litseyinin’ “Grand” komandası iyeledi. Jen’impazlarg’a qımbatbahalı sawg’alar tapsırıldı. 2-reyting oyınlarında 1-orındı iyelegen “Astrum” komandası turnirdin’ ko’shpeli kubogin qolg’a kiritti.



Turnir juwmaqları boyınsha en’ belsendi komandalarg’a nominatsiyalar tan’lanıp, diplomlar berildi. Berdaq atındag’ı QMU dın’ “Ekonomika” komandasına “En’ aktiv komanda”, No’kis qalasının’ “Spartak” komandasına “En’ u’lgili komanda”, No’kis qalasının’ “Smart” komandasına “En’ tırısqaq komanda”, Berdaq atındag’ı QMU dın’ “Real” komandasına “En’ jaqsı qızlar komandası”, Berdaq atındag’ı QMU dın’ “Kasta” komandasına “En’ erkli komanda”, A’jiniyaz atındag’ı NMPI din’ “Tumaris” komandasına “En’ milliy komanda”, Tashkent Ma’mleketlik Agrar Universiteti No’kis filialının’ “Everest” komandasına “En’ ta’rtipli komanda”, QMU janındag’ı 1-sanlı akademiyalıq litseyinin’ “Opinion” komandasına “En’ jaqsı jas komanda” nominatsiyaları tapsırıldı.



Oyın son’ında “Kamolot” JJH A’jiniyaz atındag’ı No’kis Ma’mleketlik Pedagogikalıq Institutı baslang’ısh sho’lkemi jetekshisi Gu’limbetov Bayram so’zge shıg’ıp, turnir haqqında o’zinin’ bahalı pikirleri menen ortaqlastı. “Bilgishler” Qaraqalpaqstan birinshiliginin’ baslawshısı Galiakberov Nurxat so’zge shıg’ıp, komandalardı jen’isi menen qutlıqladı. Qaraqalpaqstan televideniyesinin’ “Bilim ring” oyını baslawshısı Abdullaev Maqset te so’zge shıg’ıp, ha’mme komandalardı qutlıqlap, kelesi oyınlarda a’wmet tiledi ha’m “Aydın” intellektual oyını sho’lkemlestiriwshileri bolg’an Baxtiyar Bekmuratov ha’m Marat Mamutovqa o’zinin’ tayarlap kelgen qımbatbaha sawg’aların tapsırdı.



“Aydın” intellektual turniri 2-reyting oyınlarının’ ulıwma juwmaqları menen to’mendegi kestede tanısıwın’ızg’a boladı: