2015-jıldın’ 16-yanvarınan 20-fevral aralıg’ında “Kamolot” JJH A’jiniyaz atındag’ı No’kis Ma’mleketlik Pedagogikalıq Institutı baslang’ısh sho’lkemi janında du’zilgen “Zıyalı jaslar” klubı ta’repinen sho’lkemlestirilgen “Aydın” intellektual turnirinin’ I reyting oyınları bolıp o’tti. Turnir ulıwma 7 turdan iba’rat bolıp, ha’r ha’ptenin’ juma ku’ni A’jiniyaz atındag’ı NMPI din’ oqıw bina’sinda o’tkerildi. Onda No’kis qalasınan ja’mi 13 komanda qatnastı. Ulıwma na’tiyjeler boyınsha I orındı 93 ball menen A’jiniyaz atındag’ı NMPI din’ “Berkut” komandası, II orındı 92 ball menen No’kis qalasının’ “Spartak” komandası, III orındı bolsa 90 ball menen Berdaq atındag’ı QMU dın’ “Ekonomika” komandası iyeledi.

Jen’impazlarg’a institut ja’ma’a’ti ta’repinen tayarlang’an qımbat bahalı sawg’alar tapsırıldı. Solay etip, “Aydın” intellektual turnirinin’ I reyting oyınları joqarı da’rejede ha’m qızıqlı o’tti. Turnir juwmaqları boyınsha “Berkut” komandası I reyting oyınlarının’ jen’impazı dep tabıldı ha’m turnirdin’ ko’shpeli kubogin qolg’a kiritti.