“Алло” қосығына байланыслы даўдың соңы социяллық тармақларда талқыланбақта
ЕРКЕ ЕСМАХАННЫҢ ПРОДЮССЕРИНИҢ НАРАЗЫЛЫҒЫ
Қазақ эстрада қосықшылары Төреғали Төреәли менен Ерке Есмаханның “Алло” қосығы көпшиликтиң кеўлинен шығып хит болған еди. Бирақ хиттиң изи үлкен даўға айланды. Жақында сол елдиң жергиликли телеканалларының бирине Төреғали Төреәлиниң әкеси Төреәли (продюссери) Ерке Есмаханды “Алло” қосығының арқасында атақлы болды деп бағдарламаға интервью берген.
Соң Ерке Есмаханның продюссери Баян Есентаева Төреғалидиң әкесине қапа болып, Инстаграмдағы бети арқалы ашық жазба қалдырды.
“Кәсиплесим Төреәли басқа артистлер ушын жуўапкершиликти өзине алғанды жақсы көреди. “Алло” - бул бирлескен дөретиўшилик. Қосықты Төреғали усынды, ал клип түсириў идеясы меники. Өзгениң мийнетин ҳүрметлеў керек деп ойлайман, ҳүрметли Төреәли. Клипти 9 млн. нан аслам адам көрди, оларға бул клип унады, ал сиз клипти түсирген жоқсыз. Сиз әрман қылмаған клипке ийе болдыңыз. Сол себепли бирлескен мийнетти ҳүрметлейик. Еркениң даўсы жақсы қосықшы.”, деп жазған Еркениң продьюссери Баян.
Баянның жазбасынан кейин пикир билдиргенлердиң саны көп болған. Әсиресе көпшилик оның сөзин мақуллаған. Тармақ пайдаланыўшылары “Төреғали Төреәлиниң жулдыз кеселлиги менен аўырғанын” айтып, Еркени олар менен салыстырғанда ҳақыйқый талант ийеси екенин сөз еткен.
Баянның Инстаграмдағы мағлыўматларына қарағанда Төреғалидиң әкеси өз сөзинде турмағанлығын мәлимлеп, бираз унамсыз ҳәрекетлерди ислеген.
Баян Есентаева менен Төреғалидиң әкесиниң арасындағы жәнжел финанслық мәселелерден келип шыққан. Төреғали менен бирге Қазақстанның бир неше жерлеринде 1,5 ай даўамында гастрол сапарда жүрген Ерке Есмаханның мийнети ушын продюссер Төреәли пул төлемеген. Ҳәтте Төреғалидиң арқасында халыққа атақлы болды деп айтқан. Төреғалидиң әкеси баласының концертине Ерке Есмахан келеди деп көпшиликти алдап, районларда концерт шөлкемлестиргени анықланған. Бирақ, Еркени көриў унын жыйналған ықласбентлерге ол қопал жуўап берген. Районлардың бириндеги концертте апалар: “Ерке қаяқта?” деп сорағанда, әкеси шығып: “Сизлер Төреғалиге келдиңиз бе, яки Еркеге ме? Еркеге келген болсаңыз ақшаңызды қайтарып берип концертти тоқтатаман. Ерке атақлы болса, 7-8 жылдан берли қаяқта?” деп ашыўланыпты.
Бул ўақыялардан кейин продюссер социяллық тармақларда Төреәлиге қапалығын ашық айтқан. Баян Есентаева буннан алдынырақта “Алло” қосығына кино түсириўди режелестирген екен. Енди фильм Төреғали Төреәлиниң қатнасыўысыз түсириледи екен.
Еслетип өтемиз, продюссер Баян Есентаева Қазақстандағы ең атақлы продюссерлердиң бири. Ол “Shine-Production” деп аталған продюссерлик орайды басқарады. Көплеген жулдызлардың продюссери. Өз елинде оның басламасы менен көплеген теле-шоўлар, таңлаўлар , түрли жобалар өткериледи. Сондай-ақ кино ҳәм сериал тараўларында да искерлик алып барады.
ЕРКЕ ЕСМАХАН ТӨРЕҒАЛИДИҢ ӘКЕСИНЕ ТИЙИСЛИ ПИКИР БИЛДИРДИ
“Алло” қосығын атқарып, көпшиликтиң кеўлинен шыққан қосықшы Ерке Есмахан Төреғалидиң әкеси менен болған ўақыялар дағы гәп сөзлер туўралы Инстаграмдағы ықласбентлериниң сораўларына жуўап берди. Үш-төрт күннен берли ықласбентлер тәрепинен тоқтамай келип атырған сораўларға қосықшы Төреғалидиң әкесине қапалы түрде төмендегише жуўап берди.
“Әттең, ҳәзиргиниң айырым жигитлери , қызды қорғаўдың орнына, көпшиликтиң алдында қолайсыз гәплер айтып жүр ”, - деди Ерке. “Көркем өнерде қыз бала менен ер баланың жолын салыстырыўға болмайды. Қыздың жолы усы тараўда аўырлаў. Мениң де әкем, аға-жезделерим бар, оларды төбеме көтерип сыйлайман, қарсы сөз айта алмайман. Сонлықтан кәсиплесимниң әкеси туўралы артықша сөз айтқым келмейди.” – деп қосықшы Инстаграм тармағында пикир билдирди.
ТӨРЕҒАЛИДИҢ ӘКЕСИ ЕСЕНТАЕВАНЫҢ МӘЛИМЛЕМЕСИНЕ ЖУЎАП БЕРДИ
“Ҳаял адамды жеңиў мүмкин емес. Әлем жеңбеген ҳаялды еркек жеңбейди. Мен ол адам менен салғыласып отырғым келип турған жоқ”, - деди Төреәли.
“Бирақ айтып өтейин, Алматы ҳәм Астана қалаларында үлкен концерт өткердик. Ол концертте “Алло” қосығы улыўма айтылмады. Басқада орынларға концерт берип атырмыз. Афишасында өзи жалғыз тур. Халық Еркесизде оның концертине келип атыр”, - деп мәлимледи Төреғалидиң әкеси.
Төреғалидиң директорының айтыўы бойынша “Төреәли өз сөзинде туратын адам. Гонорар төленбесе солай келискен болыўы керек” – деди усы мәселе ҳаққында.
Еслетип өтемиз, сайтымыз арқалы “Алло қосығының даўамы шығады” атамасындағы материал Плаза бөлиминде шыққан еди. Соң бул қосықтың даўамы қашан шығады мазмунында ықласбентлеримизден комментариялар алдық. Сонлықтан усы қосыққа байланыслы ҒХҚларында жәрияланған материалларды топлап ықласбентлеримизге айдынлық киритиўге ҳәрекет етик.
Көркем-өнер тараўы хызметкерлери көпшиликтиң нәзеринде. Бирақ соған қарамастан араларындағы даўлы мәселелерди көпшиликке социяллық тармақлар ҳәм ҒХҚлар арқалы жәрияламай, өз-ара шешкени мақул шығар.
Дерек көзи ҳәм сүўрет: байстарс, инстаграм, ревю сайтларынан.
Тағдир жолында
Айралық паслының музлары ерип, Көрген түслеримиз оңынан келип, Мухаббат бағының гүллерин терип, Биз және ушрастық тәғдир жолында....
Әкежан
Мен ушын қайғырып, қуўансам күлип, Сиз бенен жүрермен бахытқа толып, Мениң ең исенген инсаным болып, Аман-саў жүргейсиз бәрҳә, әкежан!...
Соңғы қоңыраў
Сыңғыр-сыңғыр соңғы қоңыраў, Жүреклердиң тарын шертеди, Нама шалған,соңғы қоңыраў, Ойларымды алып кетеди....
Уллы ҳәм мүқәддессең, Ғәрез ...
Мүбәрек болсын жигирма жасың, Ғәрезсиз ел - Өзбекстаным, Бахыт қусың бәлентте қанат қақсын, Уллысаң, муқәддессең Ана-Ўатаным....
Қатнаспай қалды
Әкеси спорт түрлериниң бири бойынша жарысқа қатнасқан балаларының бөлмесине кирип сорады: -Жарысқа қатнасқаныңыз жақсы болды. Нешинши орынды...
