Мектеплер ҳаққында қызықлы мағлыўматлар
Ҳәр мәмлекеттиң мектеплериниң билим бериў дәстүри түрлише. “Мектеп” атамасы грекше “сколе” сөзинен алынған болып, “бос ўақыт”, “демалыс” деген мәнисти аңлатады. Бүгин Megaline.uz арқалы дүня мектеплери туўралы қызықлы мағлыўматларды усынамыз.
• Атақлы жазыўшылар Чарлз Диккенс ҳәм Марк Твен баслаўыш класты толық оқымаған.
• Уллыбританияда 11-18 жастағы мектеп оқыўшыларына “сәлем”, “көрискенше” деген сөзлерди айтыў қадаған етилген. Оның орнына “Саламатсызба?”, “Саў болың! ” деп рәсмий стилде сөйлейди екен.
• Чехия мектеплеринде ең жоқары баҳа “1”, ал ең төмен баҳа “5”.
• Электр лампасын ойлап тапқан Томас Едисон мектепте тек үш ай оқыған. Ол жети жасында ата-анасына муғаллимниң хатын алып келген. Хатта: “бала сабақта бәрқулла “не ушын?” деп сораў бере береди, ҳәммеден артта қалып қоя береди.” деп жазылған. Соң ата-анасы Томасты үйде оқытыўды мақул көрген.
• Ең көп ўақытқа созылған билим бериў Уллы Британияда болған. Роберт Кронин деген адам 52 жыл оқып, мектепти 72 жасында питкерген.
• Дүньядағы ең көп ўақыт даўам еткен сабақ 2003 жылы болған. Австралияда биолог профессор 54 саат даўамында лекция оқыған.
• Оқыў жылы дүньяның 43 елинде -1 январда, 16 мәмлекетте 1-мартта, 122 елде 1-сентябрде басланады.
• Японияда сабақты көтериңки кеўил менен баслаў мақсетинде билим күни 1-апрелде байрамланады.
Устаздың айтқаны
-Еҳ, сен бала енди, Бул билимиң менен адам болмайсаң, Оқыўшым көбирек үйренсин десем, Айтқанымды ядыңда сақлап қалмайсаң....
Дүньяда бар жақсылар
Адамға өмир берилген, Жақсыға ҳәм жаманға, Неше түрли адамлар бар, Жақсылар бар дүньяда....
Бахыт
Бул дүньяны көрип турса көзлериң, Ядта тутсаң нәсиятлы сөзлерин, Бул мәканның топырағын излерин, Көзлериңе сүртип турсаң ҳәр...
Сиңлим ҳәм мен
Отырсам радиодан жаңалық еситип, Жас жигит қосығын айта баслады. Деген ўақта «Тек бир мәрте гөгек бер» Сиңлим ҳайран болып саўал таслады....
Соңғы қоңыраў
Сыңғыр-сыңғыр соңғы қоңыраў, Жүреклердиң тарын шертеди, Нама шалған,соңғы қоңыраў, Ойларымды алып кетеди....
