Alımlar nekenin’ er jigitler densawlıg’ına, kewil yoshı menen o’mir sapasına tiygizetug’ın ta’sirin izertlep, usınday sheshimge keledi. Turaqlı baxıtlı shan’araqtın’ iyesi bolıw – fizikalıq ha’m ruwxıy jaqtan den sawlıqtı saqlawdın’ birden -bir jolı eken.

Alımlardın’ uzaq jılllar dawamında jıynag’an statistika na’tiyjesinde u’ylengen jigitlerdin’ o’mir sapası boydaqlarg’a qarag’anda anag’urlım joqarı ekenin ko’rsetti.

U’ylengen adamlardın’ ja’miyette tutqan ornı da joqarı boladı, olar jumıs beriwshilerge ko’rnekli ko’rinedi. Na’tiyjesinde jumısı ha’m ka’sibi jaqsıraq ju’risedi.

U’ylengen jigitlerdin’ qosımsha tabısı da ko’p boladı (ha’yeli jumıs isleydi, yamasa shan’arag’I ushın aqsha tabıwg’a erinbey, jan’a tabıs ko’zlerin izleydi).

Shan’araqlı adamlardın’ jaqsı awqatlanıwı da belgili. Kelinshegin’iz aspazlıq o’nerin ayamay, paydalı, vitaminlerge bay awqat pisirip beriwge tırısadı.

Kelinshegin’ qasında bolg’anda, barqulla qıyınshılıqlardı bo’lisip, sırlasıwg’a, ken’es beriwge tayar boladı. Emotsional jaqınlıq adamg’a qıyınshılıqlardı jen’iwge ko’mek beredi.

İzertlewlerdegi statistika boyınsha, u’ylengen adamlardın’ o’mir jası boydaqlarg’a qarag’anda 7 jasqa uzaq eken.

Bul statistikasızda tu’sinikli, sebebi neke adamnın’ o’mirin uzartıp, onı baxıtlı etedi.


Tayarlag’an: S. Arinova