Yapon elektr ha’m turmıs texnikasın o’ndiriwshi – Hitachi ma’kemesi informatsiyanı ma’ngi saqlaytug’ın qurılmanı islep shıqtı. Eki millimetrli kvarts shiyshadan qurastırılg’an diskinin’ sıyımlılıg’ı ha’zirshe 25 megabaytı quraydı.

Kvarts shiyshadan islengen bul mag’lıwmat saqlawshı ha’zirgi CD ha’m qattı disklar menen salıstırg’anda ekenwinin’ arasındag’ı ayırmashılıq aspan menen jerdey eken. Sebebi atalg’an disklerge engizilgen mag’lıwmatlar bir neshe on jıllıqlarg’a g’ana saqlanadı. Jan’a qurılmanı oylap tapqan alım, yag’nıy avtorlardın’ biri Kadzuesi Toriidin’ pikirinshe, kvarts shiyshaları 1000 tselsiy gradusqa shekemgi temperaturag’a shıday aladı. Sonday-aq ju’zine suw tiysede ta’sir etpeydi. Al uzaq waqıtqa saqlanıwı tiyis bolg’an informatsiyalar qurılmag’a lazerdin’ ja’rdemi menen engizilip, binarlıq kod tu’rinde jazıladı. A’dette kvarts shiyshalarınan laboratoriyalıq ıdıslar tayarlanadı. Al Hitachi kompaniyasının’ qa’niygeleri bul shiyshadan islengen qurılmanı paydalanıwg’a engizipte u’lgergen. İnformatsiya saqlawshı qurılmanın’ qalın’lıg’ı eki millimetr, uzınlıg’ı 2 santimetrdi quraydı. 25 megabayt ko’leminde informatsiya saqlaytug’ın bul qurılma aldag’ı waqıtta ko’lemi bunnanda u’lkeyiwi mu’mkin.


derek ko’zi: hammacher.com