«Миллийлик-миллет айнасы» - дейди дана халқымыз. Әлбетте, бир миллет екиншисинен тили, дини, үрп-әдет дәстүрлери менен өзгешеленгениндей, ҳәр бир халық өзиниң миллий кийимлери менен де басқаларынан ажыралып турады. Қандайда бир ҳалықтың өтмиши, бүгини, үрп-әдет дәстүрлери, тарийхта қандай өнерментшилик пенен шуғыланғанлығы олардың миллий кийимлеринен де билинип турады.

Сондай-ақ, бизиң өтмишимизден сөйлеўши миллий кийимлеримиз де көп. Миллий нағысларымызды тереңнен үйренип, еле де раўажландырып, оларды заманагөй кийимлерде сәўлелендирип атырған ҳаял-қызларымыз қатары күннен-күнге артып бармақта. Қызлардың бундай дөретиўшилик ислерин еле де раўажландырыўы ушын көплеген имканиятар жаратылып атыр.

Бүгинги күни айырым қызларымыз сырт ел қызларына ҳәўес етип, олардың сөйлеў мәденияты, кийиниў әдебине еликлеп өзлигимизди, миллийлигимизди жоғалтып бармақта. Ҳәр түрли келте юбкалар, үсти ашық кофталар, тар болған шалбарларды кийиўден ҳеш тартынбайды. Бир-еки жыллықта жаңа мода ойлап табылды. Қызларымыздың кийетуғын көйлеклери ҳәдден тыс узайып кетти. Нәтийжеде оның етегинен ярымын қолларына услап жүриўге мәжбүр болды. Бундай кийимлер инсанлардың организмлерине де өз зыянын тийгизбей қалмайды. Солай болса да, көпшилик қызлар усындай кийимлерди кийиўди өзлерине мақул көрмекте. Бәлким, бундай сырт еллерден келген келте көйлеклерди, тар болған шалбарларды кийиўдиң орнына өзимиздиң миллий нағысларымыз түсирилген заманагөй көйлеклерди кийсе жүдә жарасықлы болар еди деп ойлайман. Және де бундай шырайлы кийимлер көрген көзди қуўандырады. Жасларды балалығынан баслап миллийлигимизди олардың руўҳына сиңдирип, тәрбиялап барыў керек лазым.


Сахибжамал Есемуратова
Su’wrette: H. Nurjanova

21 May, 2013 jıl