Jigitin’izdin’ sizden kewili suwıp, xoshlasıwı ha’m endi ushıraspawı haqqında so’ylese, sizge an’sat bolmawı mu’mkin. Son’ sag’ınısh penen ku’tiw qıyın a’lbette. Degen menen waqıt toqtap turmaydı, sonlıqtan: onı bul pikirinen qaytarıw kerek. Sonın’ ushın qızg’andırıw usılınan paydalansaq na’tiyje beriwi mu’mkin. Bunın’ ushın to’mendegi usıllardı ko’rip shıqsaq:



1. Basqa jigitler haqqında ayt
Eger burıng’ı jigitin’ menen doslıq qarım-qatnasın’ saqlang’an bolsa, onın’ menen so’yleskenin’de basqa jigitler haqqında aytıp basla. Mısalı keshegi toyda bir jaqsı jigit penen tanısqanın’dı, onı menen burıng’ı doslar sıyaqlı tez so’ylesip ketkenin’di, jaqsı jigit ekenin, so’zge sheshen, segiz qırlı bir sırlı eken degen maqtaw so’zlerin ha’m qosıp qoyıwg’a boladı. Bunday so’zden keyin ol seni qızg’anıwı anıq.

2. Sabırlı bol
Qarım-qatnas u’zilgennen son’ burıng’ı jigitin’e qayg’ırıp, jılap ju’rgenin’di ko’rsetpe. Bul olardı hayran qaldırıp, qızg’anıwına sebep boladı. Su’ygen adamının' ha’mmesin an’sat jen’genin ha’m ku’lip oynap ju’rgenin olar ko’re almaydı. Sonlıqtan, en’ baslısı qapa ko’rinbe, sonda ol senin’ en’ jaqsı qa’siyetlerin’di esine ala baslaydı.

3. Ha’rdayım jaqsı na’rselerdi oyla
Keypiyatın’ joq bolsa da, bunı a’tirapın’dag’ılarg’a a’sirese burıng’ı jigitin’e bildirme. Og’an ha’rdayım kewilin’ shad bolıp ju’rgendey qılıp ko’rset. Olsızda o’mirin’ a’jayıp o’tip atırg’anın ko’rsin.

4. Ha’rdayım shıraylı bolıp ju’r
Xoshlasıwdan keyin de sulıw ha’m ko’rkem bolıp qalıwın’ kerek. Bul – burıng’ı jigitin’di qızg’andırıwdın’ en’ jaqsı usıllarının’ biri. Shash usılın’dı o’zgert, shıraylı kiyimlerdi kiyip ju’r.

5. Ja’nede jaqsı ta’repke o’zgergenin’di ko’rset
Burıng’ıdanda shıraylı ko’rin, tolıg’ı menen o’zin’ menen shug’ıllan. Sebebi, ku’ndelikli qasında a’piwayı qızdı ko’rip u’yrenip qalg’an jigit, xoshlasqannan son’, burıng’ı qızının’ o’zgergenin ko’rip, jog’altıp alg’anına o’kinedi.

6. Ku’ttirip qoy
Eger burıng’ı jigitin’ uyalı telefonın’a xat jiberse, og’an birden juwap berme. Kem degende 3 saattan keyin, yamasa bir ku’n ha’tte u’sh ku’nnen keyin juwap bersen’ – onın’ seni qattı qızg’anıwına sebep boladı.

7. Onın’ ko’zinshe basqa jigitler menen so’yles
Mısalı, oqıw ornı aldında turg’anda toparın’dag’ı dosların’ menen ku’lip-oynap, ha’zillesip turg’anday bolıp ko’rset. Ol og’an unamay, qattı qızg’ana baslaydı.

8. Ha’rdayım o’zin’e ha’m o’z ha’reketlerin’e isenimli bol
Eger o’zin’e ha’m o’z ha’reketlerin’e isenimli bolsan’, ol waqıt o’tip qanday jaqsı qızdı joytıp alg’anın tu’sinedi ha’m bunday qız endi tabılama, tabılmayma dep qayg’ıradı. Bul oylar onı qaytadan senin’ menen ushırasıwg’a, ju’riwge bag’darlaydı.

Jigiti qızın taslap ketse, qız ushın bul an’sat emes, sonlıqtan burıng’ı jigitin qaytarıw ushın usınday qızg’andırıw usıllarıda bar eken.


Tayarlag'an: Kamilla K.
derek: vk.com