Bu’gingi ku’nde turmısımızda ashıqlar texnika menen texnologiyanın’ qızıg’ın ko’rip, telefon arqalı so’ylesip, SMS xatlar jazıwdan sharshamaydı. Son’g’ı waqıtta telefon eki jastı baylanıstıra alatug’ın za’ru’rli quralg’a aylandı. Biraq texnikalıq qa’telikler, SMSler jazg’anda tu’sinispewshilik ha’m ayırım ma’deniyat normaların bilmewden payda bolatug’ın telefon urısları, SMS arqalı qarım-qatnastı anıqlaw ushırasıp turadı. Mobil baylanıs etiketinin’ ayırım artıqmashılıqların biletug’ın bolsan’ız, keyin bunday jag’dayg’a tu’spewge boladı.
Qa’telikler:
“Men juwap bermeytug’ın waqıtları qon’ıraw ete berme!”
A’lbette qolın’ bos emes waqıtta qon’ırawlar menen SMSler mazanı aladı. Biraq ashıg’ın’ızg’a qapa bolıp, tap usınday juwap bersen’iz, ol gu’manlanıp, aqırı ja’njelge aylanıwı mu’mkin.“Jumıstaman, ha’zir so’ylese almayman” yamasa “O’zim keyin xabarlasaman” dep sulıwın’ızdı tınıshlandıra alasız. Son’ sha’rtli tu’rde xabarlasın’.
“Telefonımdı shuqlama, SMSlerdi oqıma!”
Su’ygen adamın’ızg’a o’ytip aytıw arqalı onı o’kpeletip alıwın’ız mu’mkin. Bunday so’zlerden ashıg’ın’ız sizin’ basqa da qızlar menen baylanısıp ju’rgenin’izdi tu’sinedi. Al og’an isenimsizlik penen qarawın’ız jag’daydı tag’ıda ku’sheytip jiberedi. Usı temada urısqan ashıqlar qansha?! Ashıg’ın’ız dım qızg’anshaq bolsa, ku’ndelikli SMSlerin’izdi tekserip, gu’man tuwdırıwshı SMSlerdi o’shirip taslag’an maqul.
SMS urısları
SMS xatlarda tu’sinispewshilikler ko’p boladı, usılardın’ arqasında kewil-yoshı joq adam menen urısıp qalıw qıyın emes. Biraq qızlar “Men bul ma’seleni SMS arqalı talqılayman” degen so’zdi ja’njeldin’ bası dep tu’sinedi. Sonlıqtan su’yiklin’izge aldın ala SMS arqalı qarım-qatnastı anıqlamaymız dep kelisin’, o’zin’izde de SMS jazıwda belsendilik ko’rsetpen’, onın’ ornına qon’ıraw etip so’ylesiw, al en’ durısı ju’zbe-ju’z so’ylesiw kerek.
Durıs:
“Mag’an azan menen/tu’nde qon’ıraw etpe”
Ushırasıp ju’rgen qızın’ızg’a usınday talap qoyıwdın’ hesh uyatı joq. Ha’rkimnin’ jeke o’miri, shan’araq, uyqı rejimi bar. Uyqılaytug’ın waqtın’ızdı belgilep, janın’ızdan usı waqıtta xabarlasıwın soran’.
“Telefonın’dı shuqlay berme”
Bul a’piwayı etiket norması. Ushırasıp, birge waqıt o’tkereyin degen eki jastın’ telefonlarına u’nilip otırg’anı durıs emes. Sonlıqtan o’z telefonın’ızdı qaltag’a salıp qoyın’, ashıg’ın’ızg’a da sonı aytın’. So’ylesiw tek telefonda g’ana emes, al ko’birek ju’zbe-ju’z bolg’anı maqul.
su’wret: kita.com
Tanısıw
Ko’shede ja’miyetlik orınlarda, ulıwma qaysı bir orında bolman’ biytanıs adamdı ushıratsan’ız birinshi sa’wbetti a’lbette tanısıwdan baslaysız. Biytanıs adamg’a...
Mobil baylanıs qurılmalarının’ adam densawlıg’ ...
Uyalı telefong’a so’z joq ol za’ru’rli na’rse. Telefon o’ndiriwshilerinin’ so’zleri boyınsha, ol adam organizmine qa’wipi az a’sirese son’g’ı u’lgileri. Biraq alımlardın’ aytıwı boyınsha,...
Sotsiallıq tarmaq arqalı tanısıwdag’ı ayır ...
Ha’zirgi waqıtta sotsiallıq tarmaqlar arqalı tanısıw, ha’tte u’yleniw ku’ndelikli turmısımızg’a enip atır. Kim biledi, durısta shıg’ar. Demek olay bolsa bunda da so’ylesiw...
Unatıp qalg’anın’ızdı bilesizbe?
Siz to’mendegishe sezimde bolıp ko’rdin’izbe? Tap usınday sezimlerdi basın’ızdan o’tkersen’iz onda rastanda su’yip qalg’ansız. Og’an o’z sezimin’izdi bildiriwge asıg’ın’…...
Baylanıs quralları ha’m mobil baylanıs texnologiyaları
Ha’zirgi ku’nde mobil telefonlardın’ ha’m basqada mobil baylanıs qurallarının’ sonday tu’rleri islep shıg’arılmaqta , ha’tteki bulardın’ atqaratug’ın wazıypaları jag’ınan...
