Uyalı telefong’a so’z joq ol za’ru’rli na’rse. Telefon o’ndiriwshilerinin’ so’zleri boyınsha, ol adam organizmine qa’wipi az a’sirese son’g’ı u’lgileri. Biraq alımlardın’ aytıwı boyınsha, uyalı baylanıs adam densawlıg’ına ha’m o’mirine qa’wipli. Ko’plegen ellerde uyalı telefonnın’ ju’rek, miy, reproduktivli ag’zamızg’a qanday zıyan keltiretug’ınlıg’ı haqqında izertlewler alıp barıldı. Elektromagnitlik nurlar raktın’ payda bolıwına alıp keledi degen so’zlerde aytılgan.

Sebebi elektromagnitli nurlar tek uyalı telefonnan emes, al sımlardan, antennadan, texnikalıq qurılmalardan da shıg’adı. Elektromagnitli nurlar ko’zge ko’rinbeydi, iyisi joq, sonlıqtan olardın’ ta’sirinen qorg’anıw qıyın.

Sonlıqtan uyalı telefonda az ha’m saz so’ylesiw maqsetke muwapıq. Eger so’ylesiw waqtında garnituranı paydalansan’ız, bul elektromagnitli tolqınlardın’ ta’sirinen qorg’aydı. Elektromagnitlerdin’ ta’sirinen adamnın’ ummunitet sisteması zıyanlanıp, bastın’ jiyi awırıwına alıp keledi, uyqıshıl bolıp qalıwın’ız mu’mkin. Sonday-aq ko’zgede zıyanı tiyiwi mu’mkin eken.

Telefondı temir garajda, rolde otırg’anda paydalanbawg’a ken’es beremiz. Sebebi elektromagnitli nurlanıwlar temir korpusınan ko’rinip organizmge zıyanlı ta’sirin ku’sheytedi. Sonın’ menen bir qatarda ko’lik aydap kiyatırg’anda uyalı telefon menen so’ylesiw ko’lik apatına ushırawg’a da alıp keledi, al onın’ aqıbetin aytpasaqta belgili.

Telefon to’segin’izde, jumıs ornın’ızda jatpawı tiyis, ol nerv sistemasına ta’sir etip uyqının’ fazaların buzadı. Sonday-aq gu’ldirmama bolıp atırg’an hawa rayında uyalı telefonnan so’ylesiwge bolmaydı eken.

Sonlıqtan uyalı baylanıs quralları arqalı tek za’ru’rli waqıtlarda paydalanıw maqsetke muwapıq.


B. Kalmuratov