İnnovatsiyalıq texnologiyalardın’ tez pa’t penen rawajlanıwı na’tiyjesinde jan’a texnologiyalar payda bolmaqta. Bunın’ ja’ne bir da’liyli LG injenerleri qurastırg’an jan’a o’nim.

Bul haqqında ko’plegen internet saytlarında ja’riyalang’an informatsiyag’a isensek, qubla koreyalıq kompaniya televizor sanaatında paydalanatug’ın OLED panellerinin’ ayrıqsha u’lgisin islegen. Yag’nıy kompaniya qa’nigeleri qalın’lıg’ı 0,97 mm bolg’an televizror islep shıg’ıwdı maqset etpekte. Joba boyınsha, ekran diagonalı 55 dyum bolıp, salmag’ı bar jog’ı 1,9 kg boladı.

Turmıslıq texnika o’nimlerin islep shıg’ıw menen shug’ıllanatug’ın kompaniya ushın bul – u’lken jetiskenlik. Esletip o’temiz, usıg’an shekemgi OLED modellerinin’ analogı 4,3 qalın’lıqtı quraydı. Jan’a o’nim jen’il bolıp, diywalg’a arnawlı tayarlang’an magnitlerdin’ ja’rdemi menen jabıstırıladı.

Ha’zirshe jan’a televizordın’ shıg’ıw waqtı anıq emes.


Azamat Primbetov.
derek: gadgetblog saytınan.