HTML 5- bul tek veb dizaynerler ushın g’ana emes, al basqada paydalanıwshılarda da ushırasatug’ın tu’sinik. Paydalanıwshılar ushın brawzerde jumıs isleytug’ın tolıq funktsional qosımshalar menen ta’miyinlengen.

1997 jıldag’ı HTML tilinin’ 4.0 versiyası shıqqannan baslap internet saytlarının’ basım ko’pshiligi usı tildi qollandı. Biraqta, 15 jıl inshinde ishki halatqa ha’m resurslardın’ funktsionallıg’ına degen talaplar ku’sheydi. Na’tiyjesinde o’ndiriwshiler (developers - разработчики) veb betler menen ha’r tu’rli xızmetlerdin’ zamang’a say ko’riniw ushın Java-skriptler, Flash-rolikler ha’m interfeysler sıyaqlı qosımsha qurallardı paydalanıwg’a alıp keldi. HTML 5-ti engiziw menen jag’day anag’urlım o’zgeriwi kerek, sebebi belgilew tilinin’ jan’a versiyası ko’plegen mashqalalardı sheshedi.

HTML nı jetilistiriw bir neshe maqsetten turadı. Spetsifikatsiya brawzerlerdin’ qa’teler shıqqanda onı ko’rsetip, qa’ytip durıslaw kerekligi haqqında anıq bayan etiwi lazım. Sonday-aq bul tildin’ eski elementleri burıng’ısınsha qalıwı tiyis. Yag’nıy belgilew tili saytlardı islewdi an’satlastırıw kerek ha’m zamanago’y texnologiyalardı qollawı kerek, mısalı: video menen veb qosımsha bag’darlamalardı ko’riwge ha’m olar menen offlayn tu’rde jumıs islewge, resurslardın’ mobil versiyasın paydalanıw ha’m t.b.


derek ko’zi ha’m su’wret: ichip.ru