Instagram fotoqosımshasında endi videonı jazıwg’a ha’m onı ko’riwge boladı. Qosımsha 15 sekundqa shekem dawıslı video jaza aladı. Rolikke arnawlı ornatılg’an 13 videofilterdin’ birewin salıwg’a boladı. Paydalanıwshı kadrlardın’ birewin tan’lasa, paydalanıwshı betine jazılg’anlardın’ jan’alıqlar lentasında ko’rinip turadı. Sonday-aq video su’wretler menen bir qatar lentada jaylasadı.

Instagram-g’a ju’klengen rolikler arnawlı algoritm menen qayta islenedi, sapası jaqsılanadı, -dep ma’limlegen Instagram basshısı Kevin Sistrom.

Esletip o’temiz Instagram servisi (xızmeti) iOS ha’m Android OSlarında su’wretler menen jumıs isleytug’ın qosımsha (bag’darlama) bolıp tabıladı.

Instagram xızmeti 2010 jılı payda boldı. Bul xızmet arqalı iOS ha’m Android OSların paydalanıwshıları tu’sirgen su’wretlerin ju’kley aladı. Ay sayın bul xızmettin’ auditoriyası 130 million adamdı quraydı. Instagram-g’a 16 milliardtan aslam su’wret ju’klengen.


Paydalanılg’an a’debiyat: lenta.ru
su’wret: yp.ru