Айырым адамлар бирден ашыўланып қалса, және биреўлери сабырлы болады. Ал үшинши бир адамлар қатты ашыўланса да, әтирапындағыларға оны сездирмеўге тырысады. Ал сиз тез ашыўланасыз ба? Бул сораўдың жуўабын төмендеги тест арқалы анықлап көрейик.

1. Бир жарыста жеңимпаз болдыңыз. Қуўанышыңызды қәйтип көрсетесиз?

а) Үйге танысларымды шақыраман;
ә) Ишимнен қуўанаман;
ғ) Урра деп секириўим ҳәм мүмкин.

2. Қызыңыз/жигитиңиз сабағы яки жумысы себепли сизге дыққат аўдармады. Сиз оны қалай қабыллайсыз?

а) Оны менен урыса баслайман;
ə) Оған үндемеймен, бирақ ашыўланғанымды көрсетемен;
ғ) Өзиме кеўил бөлиўине ҳәрекет етемен.

3. Көлигиңизди жуўып атырғанда сырты сызылып қалғанын көрдиңиз. Бундай жағдайда не қыласыз?

а) Ҳеш нәрсе;
ә) Сыртын боятыўға ақша талап етемен;
ғ) Сыртын өз ақшама боятаман.

4. Кишкентай ўақтыңызда үй тапсырманы қалай орынлайтуғын едиңиз?

а) Көбинесе далада ойнап жүретин едим;
ә) Берген тапсырманы дыққат пенен орынладым;
ғ) Үй-тапсырманы орынлаў кейпиятыма байланыслы.

5. Магазин кассасында бир адамның гезектен тысқары өтип баратырғанын көрдиңиз. Не қыласыз?

а) Егер қолындағы заты аз болса үндемеймен;
ә) Гезекке турыўы кереклигин айтаман;
ғ) Басқа кассаға өтемен.

6. Сейил етип жүргениңизде бирден жаўын жаўып қалды. Не қыласыз?

а) Қыдырыўды даўам еттиремен;
ә) Жаўын өтпейтин тасаға бараман;
ғ) Үйге қайтып кетемен.

7. Қайсы ҳайўанды үйиңизде асырығыңыз келеди?

а) Пышықты;
ә) Сыйыр;
ғ) Тотықус.

Ҳәр:
“а” жуўап ушын – 1 упай,
“ә” жуўап ушын – 2 упай;
“ғ” жуўабына – 3 упай менен баҳалаң.

Тест жуўабы:

7-11 упай. Гейде әйтеўир нәрселерге де ашыўланасыз. Соң бул ҳәрекетиңизге уяласыз. Ашыўланбастан бурын ҳәммесин тәрезиге салып көриў керек.

12-16 упай. Ашыўыңызға тийсе, даўыс көтерип бақырыўға таярсыз. Бирақ ситуацияны дурыс баҳалайсыз. Бир ўақытлары биреў ашыўыңызға тийсе әстен сөйлейтин ўақытларыңыз да болады.

17-21 упай. Сизди ашыўландырыў қыйын. Биреу қапа қылса, ишиңиздегин сыртқа шығармайсыз.



Таярлаған: Камилла.
Еслетпе: тест толық дурыс келеди дегени емес, тек психолог қәнигелердиң болжаўы ғана.