İyt yaki pıshıqtı quyrıqsız ko’z aldımızg’a keltiriw qıyın. Haywanlarg’a quyrıq ne ushın kerek? Oylanıp ko’rdin’iz be?

Ayırım haywanlar ushın quyrıq shıbın o’ltirgish xızmetin atqaradı. Sıyır yaki jılqı jazda quyrıg’ın qıymıldatıp, denesine qong’an shıbın-shirkeylerden qorg’ap turadı. İyt bolsa, quyrıg’ın qıymıldatıp iyesine erkeleydi. Al bir na’rseden qorqıp turg’an iyt quyrıg’ın eki ayag’ının’ ortasına qısıp aladı.

Qasqır ha’m tu’lkiler quyrıg’ın ko’rpe retinde qollanadı. Olar qıstın’ suwıg’ında qardı qazıp, quyrıg’ı menen denesin orap jatadı. Juwırg’an waqıtta qasqır ha’m tu’lkinin’ quyrıg’ı ro’l wazıypasın atqaradı, yag’nıy tez burılıwg’a ja’rdemlesedi.

Maymılg’a quyrıq azıq tawg’anda za’ru’r. Ol quyrıg’ı menen terekke ilinip, azıg’ın alıp jeydi.