Bu’gin Megaline saytı arqalı qasqırlar haqqında qızıqlı mag’lıwmatlardı usınamız.

Hawa-rayı jaqsı bolsa, qasqırlar tog’ay ishindegi 9 km jerdegi dawıstı esite aladı. Al ashıq dalada 16 km aralıqtag’ı dawıstı qulag’ı sezedi. Qasqır 200 million iyisti seziw qa’bilyetine iye. Al adamlar 5 mln g’a shamalas iyisti ajıratıw uqıbına iye. Qasqırlar tiri haywanlardın’ iyisin 1,5 km aralıqtan seze aladı. Qasqırdın’ jan’a tuwılg’an balasının’ ko’zleri ko’k ren’de boladı. Tek 8 aydan son’ ko’zleri sarg’ısh ren’ge o’zgeredi.

Qasqır ku’shiklerin 65 ku’nde tuwadı. Ku’shikleri tuwılg’anda ko’zi ko’rmeydi ha’m qulag’ı esitpeydi. Al salmag’ı yarım kg boladı.

Qasqırlar a’yyemgi da’wirlerde jer ju’zindegi en’ ko’p tarqalg’an jırtqısh su’t emiziwshiler bolg’an. Olar sho’l dalalar menen tropikalıq tog’aylarda jasadı.

Qasqırdın’ jag’ı ju’da’ ku’shli boladı. Tislegen jerinin’ 1 santimetrine shama menen 300 kg ku’sh sarıplanadı. İytlerde bul ko’rsetkish 150 kg.

1600 jılı Arqa Amerikada qasqırlardın’ sanı 2 million edi. Al ha’zirgi waqıtta olardın’ sanı 65 000.

Ash qasqır awqatlang’anda 10 kg go’sh jey aladı. Salıstırıw ushın aytsaq, bul 100 gamburger menen birdey.

Qasqırlar suwda 13 kilometrge shekem ju’ze aladı.

1883-1918 jılları aralıg’ında AQSH tag’ı Montano shtatında 80 mın’ qasqır atılg’an.