Shveytsariyalıq alımlar shopanlar ushın qoylarg’a qasqırlar hu’jimi haqqında SMS xabar jiberiwleri mu’mkin bolg’an sistema u’stinde islemekte. Bul qurılma qoydın’ moynına baylanadı ha’m ju’rek urıw ritmi belgilengen shegaradan asıp ketse, ol iske kirisedi. Bul jag’day o’z gezeginde, jırtqısh payda bolg’an waqtında haywan u’rkip ketse qurılma isley baslaydı.

Sistemanın’ birinshi u’lgileri Shveytsariyada sınawınan o’tkerilgen bolıp, qurılma qoylardın’ moynına bekkem ornatıldı, son’ pada ta’repke eki qasqır ta’rizli iytler jiberildi. Ku’tilgen na’tiyje ju’z berdi, yag’nıy hu’jim haqqında xabar beriw sisteması isledi. Qoydın’ a’dettegi ju’rek urıw tezligi bir minutta 60 tan 80 ge shekem boladı, biraq qasqır ta’rizli haywanlar payda bolıwı menen usı ko’rsetkish birneshe ret o’sip, bir minutta 225 ret urg’an.

Qoydın’ ju’rek urıw tezligi belgilengen shegarag’a jetkeninde ten’dey eki waqıya ju’z berdi. Birinshiden, qurılma qasqırlar hu’jimi itimallıg’ı ko’pligi haqqında shopang’a SMS-xat jiberdi, ekinshiden, jırtqıshlardı qandayda bir qorqıtıwshı zat – shıg’ardı. Usı sınaqlar Shveytsariya ha’m Frantsiyada o’tkerildi.

Joba jetekshileri bunday sınaqlardı ko’plep o’tkerip, qurılmanın’ keyini seriyalı u’lgilerin islep shıg’arıwdı maqset etken.


derek ko’zi: tgdaily.com