İnglis alımları qag’az qalın’lıg’ınday g’ana bolatug’ın planshet islep shıg’ardı, dep xabarlaydı The Daily Mail. Onı bu’klewge de ılaqtırıwg’ada boladı. Sonday-aq planshet qag’azdın’ ornın basıwı mu’mkin deydi alımlar.
Birinshi u’lgisinin’ ko’lemi 10,7 dyum. Elektronlı "qag’azdı" Kvin Meri jeke menshik universitetinin’ alımları qurastırg’an. Olardın’ aytıwınsha, bul jan’alıq kompyuterlik o’ndiriske keri ta’sir etiwi mu’mkin. Aldımızdag’ı 5 jıldın’ ishinde bu’klenetug’ın, jumsaq kompyuterler turmısqa engiziliwi mu’mkin.



O’ndiriwshi topar jan’a planshetti tanıstırıp, jumıs maydanının’ kontseptisin usındı. Planshet beti kompyuter monitorındag’ı aynalardın’ xızmetimetin atqaratug’ın boladı. Bul displeylerdi elektron kitap retinde paydalanıwg’a da boladı. Al keyingi betke o’tiw ushın paydalanıwshı "qag’az" planshetti tek azg’ana bu’klew kerek eken. Ha’zirgi waqıtqa shekem onın’ ha’r tu’rli u’lgileri shıqpadı, biraq laboratoriyalarda tınımsız jumıslar alıp barılmaqta.


derek: mhealth.ru