İnternettin’ paydası menen bir qatarda zıyanıda ko’p ekeni bizge ma’lim. Google Map, Yandex Map kartaları (sputnik arqalı tu’sirilgen kartalar) ha’zirgi waqıtta ma’mleket, qala, ko’she, ma’kan jay atların tawıp beretug’ın u’lken sistemag’a aylandı ha’m bul kartalardın’ paydalanıwshıları da ko’pshilikti quraydı. Biraq bul sistema birewlerge paydasın tiygizse, al birewlerge baxıtsızlıq a’kelipti. Olay dewimizdin’ sebebi…

Yandex Map sistemasının’ ko’she su’wreti bo’liminde qoyılg’an foto, turmıs qurıwg’a bel baylag’an eki jastın’ ayırılsıwına sebepshi boldı. 24 jaslı Marina ismli qız Yandex Map izlew sistemasınan o’zine kerekli ma’kan jaydı izleydi. Sonın’ menen bir qatarda ol ko’she su’wretin de qosıp izleydi. Tap usı waqıtta og’an ju’da’ tanıs bet a’lpet ko’zinin’ aldınan shıg’adı. Ko’she su’wreti retinde qoyılg’an fotoda o’zinin’ 5 jıl boyı ju’rgen jigiti Sashanın’ turg’anın ko’redi.

Marina bılay deydi: “Kartadan ju’da tanıs adamdı ko’rdim. U’lkeytip qarap edim, menin’ Sasham menen birinshi muxabbatının’ qol uslasqan su’wreti turıptı. Su’wretti ko’rip qattı qapa boldım. Toqtamay uzaq jıladım.”

Marina ko’rgen su’wretin toyı jaqınlasıp qalg’an waqıtta Sashag’a ko’rsetti. Sashanın’ u’stine muzday suw quyılg’anday boldı. So’ytip ol Marinag’a bolg’an waqıyanı tu’sindiriwge tırısqan. “Men onı jaqsı ko’rmeymen, men aqmaqlıq isledim.” Biraq qız jigiti menen ayırılıstı. Bunday waqıyanın’ o’mirde bolg’anlıg’ı Yandex kompaniyasındag’ılardın’ jag’asın uslattı. Adamlardın’ usınısı boyınsha, ko’pshilik bul kartadan o’zlerinin’ imaratları su’wretlerin ko’riwdi qa’leydi eken. “Eger su’wretti alıp taslaw haqqında bizge shag’ım tu’sip, ha’m ko’rsetilgen sebebi orınlı bolsa, biz su’wretti alıp taslaymız” deydi kompaniya xızmetkerleri.


derek ko’zi: youhtc.ru