“Ku’lki – kewildin’ mu’lki, ol o’mirdi uzartadı, ku’lki vitamin” degen danalıq so’zlerdi balalıq waqtımızdan baslap esitip kiyatırmız. Ku’lkinin’ adam densawlıg’ına qanday paydası bar ekenin bilemizbe? Bu’gin ku’lkinin’ paydası haqqında aytamız.

Ku’lki tu’rli keselliklerdin’ aldın alıwına paydası ko’p, yag’nıy ku’lki – vitamin;

Ku’lki – ju’rek, o’kpege ju’da paydalı ha’m immunitetti ku’sheytedi;

Adam ku’lgen waqıtta organizmde – virus, bakteriyalar menen gu’resetug’ın elementler bo’linedi;

Ku’ki – terini jaqsılaydı;

Adam ku’lgen waqıtta bet bulshıq etleri ha’rekette bolıp, bet a’lpette qan aylanısı jaqsılanadı;

Ku’lki – qarım-qatnastı jaqsılaydı
Kewil keypiyat jaqsı bolsa, jaqınların’ız benen qarım-qatnasın’ız jaqsı boladı. Eger birewge qapalı, ashıwlang’an bolsan’ız, ku’lkili klip yaki film ko’rin’. Sonda organizmdegi bo’lingen endofinler qayg’ı menen qapanı joq qıladı.

Ku’lki – sport
Ko’p ku’letug’ın adamnın’ press, bulshıq etleri shınıg’adı. Nege? Sebebi ku’lgen waqıtta jaq, moyın, bet, arqa sıyaqlı 80 ge shamalas bulshıq et jumıs isleydi. Bir minutlıq ku’lki fitnestegi 25 minutlıq shınıg’ıw menen birdey.


Al siz ku’lkinin’ qanday paydasın bilesiz?