Berdaq atındag’ı ma’mleketlik sazlı teatrında Joqarı oqıw orınları arasında “Quwnaqlar ha’m ziyrekler” tan’lawının’ yarım final basqıshı o’tkerildi. Tan’lawda Berdaq atındag’ı Qaraqalpaq ma’mleketlik universitetinin’ “Jayhun”, A’jiniyaz atındag’ı No’kis ma’mleketlik pedagogikalıq institutının’ “Turan”, Tashkent informatsiyalıq texnologiyaları universiteti No’kis filialının’ «TATIW», Nawayı ma’mleketlik ka’nshilik institutının’ “Talaplarg’a muwapıq talabanlar”, U’rgensh ma’mleketlik universitetinin’ “Jasıu’lkenler” komandaları o’z-ara ku’sh sınastı.



Jarıstı o’tkeriwden tiykarg’ı maqset – jaslardı Watanımız, xalqımız, milletimiz, milliy qa’driyatlarımız, tariyxıy, ruwxıy miyraslarımızg’a hu’rmet ha’m sadıqlıq ruwxında ta’rbiyalaw, olardın’ ja’miyetlik belsendiligin arttırıw, oqıwdan bos waqıtların mazmunlı o’tkeriwin sho’lkemlestiriw, ha’r qıylı ekstremistlik ha’m zıyanlı ag’ımlar ta’sirine tu’sip qalıwının’ aldın alıw, talantlı ja’ne uqıplı jaslardı xoshametlew, qollap-quwatlaw, sheberligin jetilistiriw, olarg’a o’z imkaniyatların ju’zege shıg’arıwı ushın sharayatlar jaratıw, jaslar turmısındag’ı mashqalalar, kemshiliklerdi yumor-satiralıq usılda ko’rsetip, olardı sheshiwge ko’meklesiwden ibarat.

Tan’law sha’rtlerinin’ orınlanıwı boyınsha jen’impazlar anıqlanıp, “Turan” komandası 1-orındı iyeledi ha’m kelesi basqıshqa jollama aldı. Al, “TATIW” komandası ekinshi, “Jayhun” komandası u’shinshi orındı iyeledi.