Өзбекистанлы боксшылар ЖЧ финалына шықты
Еслетип өтемиз, усы жылдың 6-октябрь сәнесинде Қатар пайтахты Доҳа қаласында бокс бойынша Жәҳән чемпионатына старт берилген еди. Ең итибарлысы ярым финал басқышына спортшыларымыздың алтаўы өткен еди.
Сөйтип, Өзбекистан Куба сайланды командасынан кейин екинши орынға шықты. Кубалы жети боксшы ярым финал рингине шықты. Ал қалған Россия ҳәм Азербайжаннан 4 боксшы, Ирландиядан үш, Қытай, Украйна ҳәм Қазақстаннан 2 боксшы, Филипин, Жазайр, Ҳиндистан, Беларус, Бразилия, Тайланд, Марокаш, Мысыр, Уллыбритания ҳәм Франциядан – бир-бир боксшыдан ярым финалға жетип келди.
10-октябрь күни болып өткен шерек финалда Өзбекистаннан Муратжан Аҳмадалиев (-56 кг) тайлантлы қарсыласын, Эльнур Абдураймов (-60 кг) монголиялы қарсыласын, Фазлиддин Гаипназаров (-64 кг) италиялы қарсыласын, Бектемир Мелиқозиев (-75 кг) россиялы қарсыласын, Баҳодир Жалолов (+91) иорданиялы қарсыласын ҳәм Элшод Расулов (-81) қазақстанлы Әдилбек Ниязымбетовты жеңди. Усы күни тек, өзбекистанлы боксшылардан Рустам Толаганов кубалы Ерисланди Савоннан жеңилип қалды.
Соң бокшыларымыздың алтаўы ярым финалға қатнасып, олардан үшеўи финал ойынларына жоллама алды.
Дәслеп, Мураджон Аҳмадалиев (-56 кг) ҳиндистанлы қарсыласы Шива Тапаны 3:0 (29:28, 29:28, 29:28) есабында жеңди.
64 кг салмақта қатнасқан Фазлиддин Гаипназаров тайландлы қарсыласы Вуттичай Масукиди 3:0 (30:27, 30:27, 30:27) есабында жеңип, ол финалда россиялы Виталий Дунацевқа қарсы рингке шығады.
Ал 75 кг салмақта болса Азия чемпионы Бектемир Мелиқозиев ҳәм финал жолламасын қолға киритти. 19 жаслы Бектемир ярым финалда ирландиялы Майкл Орейли ди 2:1 есабында жеңип шықты. Ол енди финалда кубалы Арлен Лопес пенен боксласады.
Шешиўши финал беллесиўлеринде Кубадан алты, Өзбекистан ҳәм Россиядан үш, Қазақстан, Азербайжан ҳәм Ирландиядан еки, Марокаш ҳәм Франциядан бир боксшылар қатнасады.
Солай етип, өзбекистанлы 3 қолғап устасы финалға жоллама алды. Финал беллесиўи ертең (14-октябрь күни) болыўы күтилмекте. Ең баслысы, булар Рио-2016 Олимпиада ойынларына жолламаны да қолға киритти.
Сүўрет: Getty Images сайтынан.
Россиялы қосықшы Жанна Фриске дүньядан өтти
Усы жылдың 15 июнь күни атақлы қосықшы Жанна Фриске Москва қаласында қайтыс болды деп хабарлайды Super порталына силтеме берип www.megaline.uz сайты. 40 жаслы Жанна қәўипли...
Өзбекистанлы футболшылар күтилген жеңиске еристи ҳ& ...
18-январь күни болып өткен 3-ши турда Өзбекистанлы футболшылар Саудия Арабстан сайланды командасы үстинен 3-1 есабында жеңиске еристи. Бул ойында Өзбекистан сайланды командасының бас...
Соңғы пушайман
Жүрегиме отлар жаққан гөззалсаң, Жүрдим излериңде пәрўанаң болып. Дедиң, сөзлериме қулақ салмастан, Қалайық ҳәмийше бизлер дос...
Узын жолда жалғыз жүрип бараман...
Узын жол ҳәм қаранғы әлем, Жалғыз ғана жолға түстим мен Қуяшсыз ҳәм айсыз әтирап түнек Мен алға жүриўди турыппан қәлеп....
Ярым қайдасаң
Сырлы қарасларың жанды алғандай, Сағыныштан бул журегим талғандай, Өзиңсиз журегим ҳүўлеп қалғандай, Журегимниң ийеси,ярым қайдасаң....
