Суў бул – тиришиликтиң дереги. Ал шомылыў яки жүзиў – шынығыўдың ең пайдалы усылы болып табылады. Жүзиў менен шуғылланыўшылардың организиминиң тамыр системасы суў температурасының алмасыўына бейимлесип, микроблар ҳәм бактерияларға шыдамлы болады. Бул өз гезегинде қан айланысының жақсыланыўына тәсир етеди. Әсиресе, адам организминиң суўыққа шыдамлылығын арттырады.

Жүзе алыў тек шынығыў емес, ал қандайда бир кеселликтен тәўир болыў ушын зәрүр “қурал”. Мәселен:

1. Жүзиў ўақтында булшық етлериңиз ис-ҳәрекетте болады.

2. Дене сулыўлығын қәлеўшилер ушын жүзиў ең керекли спорт түри. Себеби, ол омыртқа менен қозғалыс аппараты кеселликлериниң алдын алады. Жүзиў барысында бел омыртқаның әтирапындағы булшық етлер босайды.

3. Соның менен бир қатарда, жүзиў жүрек қан тамыр кеселликлерине қарсы гүреседи.

4. Жүзиў дем алыў жолларын жақсылайды.

5. Организмиңизди шынықтырып, иммунитетиңизди күшейтеди.

6. Жүзиў стресс ўақтында да көмеклеседи. Ол нерв системасын тынышландырып, организмиңизге көтериңки энергия береди.

7. Ең баслысы, жүзиў – жақсы хобби. Бундай спорт түринен ҳешқашан зерикпейсиз, тек ғана ләззәт аласыз.