Дүнья еллеринде адам денсаўлығына қәўипли тағамларда ушырасады. Сайтымыз арқалы бүгин биз сизлерге дүньядағы ең қәўипли 5 тағамның түри менен таныстырамыз. Демек олар төмендегидер:

1) Фугу балығы. Усы балықтың қурамындағы бир тамшы уў, адам денесин ҳәлсиретеди ҳәм дем алыў жолларын тоқтатады. Тийкарынан фугудың ең қәўипли жери уўылдырығы менен баўыры болып табылады. Япония халқы уўдың тарқалып кетпеўин қадағалап турады. Бирақ дәми мазалы болғанлықтан, буны жейтинлер саны көп. Бул аўқаттан жылына 10 адам көз жумады екен.



2) Сан Нак Джи. Бул уўлы аўқат емес, тек тири сегиз аяқ. Бул аўқат алдыңызға тартылған ўақытта, ол сизге ҳешқандай қыйыншылық келтирмейди. Бирақ жеп атырған ўақытта ол ҳәм өз өмири ушын гүреседи. Жылына бул тағамнан алты адам қайтыс болады екен.



3) Үлкен өгиз қурбаға. Бул қурбақаның организми ҳәм терисинде уў көп. Бирақ, жеўге болмасада, айырым еллерде адамлар оны тазалап, аўқат ретинде таярлайды екен. Бул аўқатты жеген адам еки күннен кейин баўыры аўырады, кейин жүрегиде ҳәлсирей баслайды. Бирақ намбиялылар арасында бул аўқат түрин жеп тудары екен.



4) Касу Марцу. Дүньядағы рухсат етилмеген иримшик. Баҳасы қымбат. Ол шыбын ширкейлерден таярланады екен. Асқазан ушын жүдә зыянлы.



5) Хакарал. Үлкен акуланың гөшинен таярланады. Бундай акуланың гөши шийкилигинде жүдә уўлы болады. Алымлар буның қурамын изертлеп, адамды өлимге шекем алып келетуғын аммиак күши бар екенлигин анықлаған. Бул аўқатты таярлағанда, акуланы кесип, күнниң астына төрт ай кептиреди екен.



Сонлықтан бул тағамларды жемеген мақул.