Усы жылдың 7-апрел сәнесинде Қарақалпақ мәмлекетлик университетинде Ферғана ўәлаятында болып өтетуғын “Универсиада-2016” спорт ойыны жарысларына сайлап алыў басқышы шеңберинде 8-10 апрел күнлери Нөкис қаласында өткерилетуғын спорт ойыны жарысларының аймақлық басқышының ашылыў мǝресими болып өтти. Бул ҳаққында sovminrk.gov.uz сайты хабарлады.

Спорт жарыслары Нөкис қаласының 5 орынында болып өтеди.

Футбол (Ер балалар) – “Туран” стадионында,

Бокс (Ер балалар) – Нөкис олимпия резервлери колледжинде,

Волейбол (Ер балалар ҳәм қызлар) – Қарақалпақ мәмлекетлик университети спорт залында,

Баскетбол (Ер балалар ҳәм қызлар) – Ойын түрлери ҳәм жеңил атлетика бойынша балалар ҳәм өспиримлер спорт мектебинде,

Қол тобы (Ер балалар ҳәм қызлар) – Нөкис олимпия резервлери колледжинде болып өтеди.













Жарыстың ашылыў мәресимин Қарақалпақстан Республикасы Мǝденият ҳәм спорт ислери министри орынбасары А.Турданов кирис сөз бенен ашты, буннан соң Қарақалпақстан Республикасы Жоқарғы Кеңесиниң комитет баслығы Б.Нурабуллаев жарыс қатнасыўшыларын студент жаслардың спорт байрамы менен қутлықлады ҳәм Ферғанада болып өтетуғын “Универсиада - 2016” жарыслары төрешилерине әдалатлы баҳалап барыўда исеним билдирип, жарыс қатнасыўшыларына әўмет тиледи.

Сондай-ақ мǝресимде басқада шығып сөйлеўшилер жарыс қатнасыўшыларына табыслар ҳәм тиледи.

Буннан соң көркем-өнер ийелериниң атқарыўында конcерт бағдарламасы қойып берилди.

Еслетип өтемиз, үш басқышлы спорт ойынларының жоқары оқыў орынлары арасында өткерилетуғын "Универсиада" спорт жарыслары усы жылы Ферғана ўәлаятында болып өтетуғын болса, усы жарыстың 8-10 апрел күнлери Нөкис қаласында аймақлық басқышы болып өтеди. Бунда Қарақалпақстан Республикасы ҳәм Хорезм, Бухара ўәлаятларының командалары спорттың футбол, баскетбол, волейбол, қол тобы ҳәм бокс түрлери бойынша өз-ара беллеседи.


сүўретлер: www.sovminrk.gov.uz