Motorola kompaniyasına 1928 jılı ag’alı –inili Pol ha’m Galvinler tiykar salg’an bolıp, ol Galvin Manufacturing kompaniyası retinde o’z jumısın baslag’an. Da’slep kompaniyada 5 adam jumıs islegen. Al miynet haqısı bolsa 63 dollardı qurag’an. Kompaniyanın’ da’slepki o’nimi – avtomobilli radioqabıllag’ısh bolıp tabıladı.

1947 jılı Galvin Manufacturing Corporation korporatsiyası o’z atın ataqlı sawda markası bolg’an Motorola dep o’zgertti. 1956 jılı Motorola tek xabarlardı qabıllaytug’ın da’slepki peydjer-radioqabıllag’ıshtı islep shıg’ardı. Da’slepki peydjerlerdi emlewxana xızmetkerleri menen menedjerler qollang’an. Son’ peydjerler ha’rdayım baylanısta bolg’ısı keletug’ın adamlar arasında en jayg’an.

Motorola – ha’zirgi mobil baylanıs sistemasının’ tiykarın salıwshılardın’ biri. Iqsham ha’m qolaylı da’slepki uyalı telefon – Motorola DynaTAC 8000X 1983 jılı 6 martta islep shıg’arılg’an. Sol jan’a telefonnın’ salmag’ı 800 gramm, ko’lemi 33 х 4,4 х 8,9 sm bolg’an. Akkumulyatorı 8 saatqa jetetug’ın bolsa, al bahası 3995 dollarg’a bahalang’an.

2000 jıldan baslap Motorola Inc. korporatsiyası bir neshe qayta o’zgerislerden keyin shıg’ıng’a ushıradı. 2000 jıldın’ ortasında kompaniyanın’ tiykarg’ı ma’seleleri mobil telefon o’ndirisi boyınsha bo’lim (filial) menen baylanıslı boldı. 2004 jılı Motorola Semiconductor bo’limi – yarım o’tkizgish quralların o’ndiriw ha’m qurastırıw sektorı jeke kompaniyag’a bo’lindi. Keyin Freescale Semiconductor degen atqa iye bolg’an. 2006 jılı Freescale Semiconductor kompaniyası Blackstone Group LP kompaniyasın basqarg’an kontsortsium ta’repinen satılıp alındı.

Motorola kompaniyası 2010 jılı iyulde Nokia Siemens Networks korporatsiyası menen sha’rtnama du’zedi. 2011 jılı korporatsiya Motorola Solutions ha’m Motorola Mobility degen eki kompaniyag’a bo’linedi.

Motorola kompaniyasının’ tiykarg’ı 3 bo’limi bar.
• Firmalarg’a arnalg’an mobilli sheshim (Enterprise Mobility Solutions)
• U’yge ha’m tarmaqlıq operatorlarg’a arnalg’an (Home & Networks Mobility)
• Mobil qurılmalar (Mobile Devices)

Motorola Inc. (NYSE: MSI MMI, MSI) – telekommunikatsiya tarawında ha’m elektron sistemada du’nyaju’zlik ataqlı Amerikalıq kompaniyalardın’ biri bolg’an. 2010 jılı Fortune (AQSHtın’ 500 u’lken kompaniyası) diziminde 110-orındı iyelegen. Kompaniya imaratı Chikago qasındag’ı İllionys shtatında jaylasqan.

Mobil baylanıs qurılmaların o’ndiriwshi bul kompaniyanın’ tiykarg’ı menshigi ha’m belsendisi retinde Motorola Solutions kompaniyası tanılg’an.


Paydalanılg’an a’debiyat: ru.wikipedia.org/wiki