Eger Sony korporatsiyası da’ramatları smartfon, planshet, televizor, yamasa yad kartlarına iye lazer diskler menen batareykalardan alınadı dep oylasaq, qa’telesken bolamız.



Qanshama teren’ oylanbayıq, kompaniyanın’ elektronika menen shug’ıllanatug’ın bo’limsheleri da’ramattı emes, al turısı menen zıyan ko’rdi. Sonda ne ushın bunday belgili atama en’ alda turadı? Sony o’zinin’ g’a’rejetlerin qalay quraydı?

Sony – turmıslıq elektronika o’ndiriwshilerinin’ en’ belgilisi. Kompaniya bizlerge o’zgeshe bolg’an portativ pleyer menen PlayStation oyınlar ornatpasın, Vaio kompyuter texnologiyasın, Cybershot fotoapparatı menen en’ sapalı ha’m aldag’ı texnika jetiskenliklerin usına bildi. Biraq sog’an qaramastan kompaniya satqan o’niminin’ ha’r birinen payda ko’rmesede zıyang’a ushıramaqta.

Elektron devaystın’ barlıq o’ndirisi menen barlıq infrastrukturanı Sony muzıka satıw, gollivud filmlerin o’ndiriw ha’m qamsızlandırıw biznesi arqalı ta’miyinleydi.



Sony PlayStation 2 – du’nya boyınsha ataqlı konsol xit.

Jefferies investitsion bankinin’ jan’a esabatında Elektronika menen shug’ıllanıwshı, yapon korporatsiyalarının’ turaqsızlıg’ın ko’rsetip o’tti.



Sony elektron o’nimlerdin’ batareykadan baslap, fotoapparat, 3D displeylerdin’ ken’ assortimentine iye bolıwına qaramastan korporatsiyanın’ na’tiyjeli biznesi qamsızlandırıwdı satıw arqalı a’melge asadı. Sony qamsızlandırıw sıpatında basqa ellerde belgili bolmag’anı menen, o’z atına qaratılg’an bul dizbekti tek o’z elinde – Yaponiyada a’melge asıradı.Yaponiyada avtoqamsızlandırıw ha’m meditsinalıq polis arqalı jaqsı pul tabadı.

Tek qamsızlandırıwdın’ o’zi boyınsha Sony korporatsiyasının’ operatsion paydası o’tken jıldın’ o’zinde 63% quradı. Sonın’ ushında qamsızlandırıw – Sony korporatsiyası paydasının’ bas biznesi.



Sony tek qamsızlandırıw arqalı g’ana emes, al kompaniyanın’ kinomotografik ha’m muzıkalı bo’limleri menen jetiskenlikleri mol ha’m sonın’ arqasında ko’p payda ko’redi.



Du’nyag’a atqalı kinofilmlerdi Sony Pictures Entertainment kompaniyası usındı. Sonın’ na’tiyjesinde ko’plegen jetiskenliklerge eristi. Du’nyag’a belgili kinofilmler menen franshizalar Sony Pictures Entertainment ti kinoindustriyanın’ en’ iri qatnasıwshısına aylandırdı.

Al muzıka bazarında belgili bolg’an juldızlardı Shakira, Beyonse, Daft Punk, Selin Dion, Maylza Devis h.t.b juldızlardı birlestiriwshi bul Sony Music Entertaiment joqarı ataqqa iye.

Sony Pictures ha’m Sony Music tin’ birgeliktegi korporatsiyag’a keltirgen paydası 2003 jıl 7 milliard dollardı quradı. Al elektronika menen shug’ıllanıwshı bo’limi paydanın’ ornına zıyan ko’rdi.



Biraq sog’an qaramastan kompaniya elektronika boyınsha bo’limlerin qollap-quwatlap, onı paydalıraq etiwge urınbaqta. Ziyanlı biznes ma’selesine onsha kewil bo’lmew, Sony da’ramatlarına keri ta’sir etiw mu’mkin deydi tokiyo universiteti professorı Xitotsubasi.

60% u’lesti iyelewshi korporatsiyanın’ Sony Financial Holdings, tokiyo birjasındag’ı konkurentlerge orın beriwdi basladı. Bul jılı aktsiya bahası 4% ke o’sti, al rawajlanıwshı qarsılaslar aldında jeterli emes. (mıs. Dai-ichi- Life Insurance tin’ aktsiya bahası 36% o’sti)



Sony din’ bas atqarıwshı direktorı Xirai Kadzuo, kompaniya bo’limsheleri, sonın’ ishinde elektronika bo’limleri payda alıwın qayta tiklewdi o’z qolına aldı. “Elektronika – keleshegimiz, ol Sony din’ DNK sı. Menin’ maqsetim – onın’ sa’ykes bo’limlerin qayta tiklew” degen edi atqarıwshı direktor press-konferentsiyada.

Haqıyqattanda kompaniya o’z aldındag’ı tosıqlardı basıp o’tiwge urınbaqta Sony – Apple ha’m Samsung usag’an biyik titanlar aldında konkurentke shıdamlı – Xperia Z apparatın shıg’arg’anı haqıyqat. Sony din’ tag’ı bir shen’beri bul qımbat bahadag’ı fototexnika bazarı – onda du’nyadag’ı tsifrlı kompaktli RX1 kamerası mısal bola aladı.

Sony din’ 5 jıl dawamındag’ı bazar kapitalizatsiyası (mlrd. $)



Son’g’ı 10-13 jılda Sony “to’menlep” qarızg’a otırdı. Bunın’ ko’rinis to’mendegishe:

Sony din’ bazar kapitalizatsiyası

• 2000 jıl. Sentyabr: 100 milliard dollar. (derek:Bloomberg)
• 2007 jıl. Dekabr: 54 milliard dollar (derek: ycharts.com)
• 2011 jıl. Dekabr: 18 milliard dollar (derek: Bloomberg)
• 2012 jıl. Sentyabr: 11,69 milliard dollar (derek: ycharts.com)
• 2013 jıl. May: 21,89 milliard dollar (derek: ycharts.com)

Salıstırmalı ta’rizde, Nintendo kompaniyası kapitalizatsiyası bu’gingi ku’nde 14,13mlrd. dollarg’a ten’.

Sony din’ 5 jıl dawamındag’ı taza paydası



Sony kompaniyası o’tken kvartaldan baslap joqarılap basladı, biraq elektron bo’limleri onsha payda ko’rmey atır.

İnformatsiya texnologiyaları jedellik penen rawajlanıp atırg’an bir da’wirde Sony elektronikadan bas tartpaytug’ın sıyaqlı, sebebi onın’ o’nimleri joqarı sapag’a iye, bu’gingi ku’nde elektronika, IT texnologiyalar rawajlanıwı joqarı ba’sekige iye, birewi artta qalsa, keyin ozıpta ketip atır, bul ku’shli ba’sekini bildiredi, sonlıqtan keleshekte Sony din’ elektronika o’nimleri joqarı shoqqılardan ko’riniwi mu’mkin.


Tayarlag'an: Kalmuratov B.
derek ko’zleri ha’m su’wret: http://www.gadgetblog.ru/src/8173/ , nytimes.com/2013/05/28/business/global/sonys-bread-and-butter-its-not-electronics.html