BBK kompaniyası jan’a Vivo X3 dep atalg’an smartfonın tanıstırdı. Bul modeldin’ qalın’lıg’ı 5,75 mm. Kompaniya jan’a smartfondı eki ren’de shıg’armaqshı: ko’k ha’m aq. Bul o’nim ha’zirgi waqıtta du’nyadag’ı en’ jin’ishke baylanıs quralı bolıp tabıladı. Yag’nıy ol Huawei Ascend P6 smartfonının’ rekordtın jan’arttı (6,18 mm). Degen menen ol bul atag’ınan (rekortınan) jaqın arada qalın’lıg’ı 5,6 mm Umeox X5 smartfonı satıwg’a shıqqannan keyin ayrılıp qalıwı mu’mkin.

Vivo X3 smartfonı 5 dyumlı, mu’mkinshiligi 1280×720 pikselge iye bolıp, IPS texnologiyası menen qurallang’an displeyge iye. Sonday-aq onın’ 8 megapikselge iye tiykarg’ı kamerası bar, al frontal kamerası 5 megapikselge iye ha’m FM-radio xızmetide bar. Smartfon 1,5 GGts jiyiliktegi to’rt yadrolı A7 protsessorı, 1 GB operativli yadı ha’m 16 GB flesh-yadlarına iye. Smartfon jin’ishke bolıwına qaramastan, onda sıyımlılıg’ı 2000 mAsaat bolg’an akkumulyatorı bar. Al qurılmanın’ ulıwma o’lshemleri 143,27х71,03х5,75 mm di quraydı. Salmag’ı 150 gramm.

Smartfon Android 4.2 Jelly Bean operatsiyalıq sisteması basqarıwında jumıs isleydi. Sonday-aq onın’ tag’ı bir ayrıqshalıg’ı ol infraqızıl datchiklerdin’ ja’rdeminde qoldın’ ha’reketi arqalı basqarıwg’a da boladı.


derek ko’zi: gadgetblog.ru, androidmarket.ru