Ана тил-қатнасық, молшылық табыс,
Ана тил-қанаат ар менен намыс,
Ана тил-сын сыпат, мисли бир нағыс,
Қайда болсаң, өз тилиңди умытпа.

Ана тил-байлығым, барлығым, бахтым,
Тил менен бийикдур, тағдирим, тахтым,
Жасыл жапырағы-ол мийуа дарақтың,
Қайда жүрсең, өз тилиңди умытпа.

Ана тил халыққа болмас бийгана,
Оған тең байлар да, ҳәтте дийуана,
Ана тил гүл болса, болып пармана,
Қайда жүрсең, өз тилиңди умытпа.

Ана тилимиз-бул қаракқалпақ тили,
Ол әсирлик бийбаха тиллердиң бири,
Жасап келмекте көп әсирден бери,
Қайда болсаң, өз тилиңди умытпа.

Ғәрезсиз үлкеде жайнап, жасарып,
Қарақалпақ тилимизди байытып бардық,
Ана тил қәдирли, алтыннан артық,
Қайда жүрсең, өз тилиңди умытпа.

Ана тилим, мен әйтеўир оқыўшы,
Сени қайта-қайта айта беремен,
Ана тилим, дуньяда ортақ тиллер көп,
Бирақта, мен сени жақсы көремен.


Бийбисара Худайназарова.