1986 jıldın’ 2014 jıl menen qanday uqsaslıg’ı bar degen tema ko’pshilik internet saytlarının’ baslı temasına aylandı. Bunın’ baslı sebebi bıyılg’ı kalendardın’ 1986 jılg’ı kalendar menen ha’pte ku’nlerinin’ sa’ykesliginde. Demek 2014 jılg’ı kalendar 1986 jılg’ı kalendar menen birdey degen so’z.

1986 jılı kalendar plakatların, bukletlerin islep shıg’arg’an kompaniyalar, bul sa’ykeslikti esapqa alıp ha’zirgi ku’nde bunı bizneske aylandırdı.

Atap o’tsek, 1986 jılı kalendar islep shıg’arıwshı İtaliyanın’ “Pirelli” kompaniyası usı sa’ykeslikti tiyimli paydalanıp, 1986 jıldag’ı kalendar ushın islengen biraqta baspag’a shıqpay qalg’an ayırım foto su’wretlerdi bıyılg’ı kalendar da ja’riyalaw tuwralı sheshim qabılladı.

Burıng’ı kalendarg’a qızıg’ıp ju’rgenler ha’m bar eken. Mısalı 1986 jıldag’ı kalendarlardı satıp alıwg’a bolg’an usınıs ko’p eken. Ha’zirgi waqıtta internet tarmag’ı arqalı ju’zden aslam danası satılg’an dep xabarladı ko’plegen internet portalları. Bunday kalendarlardın’ bahası ma’selen e-Bay saytında 100 dollarg’a shekem bahalang’an.

Sonın’ menen bir qatarda, 2014 jıldın’ 1986 jıl sıyaqlı tag’ı o’zgesheligi bar: yag’nıy jıldın’ bası ha’ptenin’ sa’rshembi ku’ni baslanıp, jıldın’ son’ı da sa’rshembi ku’ni menen tamamlanadı.


derek ko’zi: internet materialları tiykarında tayarlandı