Mobil operatsiyalıq sistemalardı islep shıg’arıwshılar o’zlerinin’ televizion ornatpaların shıg’ardı: Apple TV ha’m Google TV. LG kompaniyasının’ jan’a ideyası – HP diziminde WebOS operatsiyalıq sistemasın qayta tiklew ha’m aqıllı televizorlardın’ funktsiyaların ja’nede asırıw.

WebOS Nation saytının’ xabar beriwinshe, LG kompaniyası Gram kompaniyası menen birgelikte WebOS operatsiyalıq sisteması negizinde jan’a televizor u’stinde islemekte. Jumıs aktiv fazada a’melge asırılıp atır.

Bu’gingi ku’nde bas ma’sele – WebOS boyınsha sa’ykes qollanbalardı jaratıw. WebOS Nation xabar beriwinshe, ha’zirgi ku’nde Netflix, YouTube ha’m Pandora servisleri ushın programmalıq ta’miynat u’stinde jumıs alıp barmaqta.

Ekinshi ma’sele – operatsiyalıq sistema ju’klemesi tezligin arttırıw. WebOS operatsiyalıq sistemasındag’ı qurılma ju’klemesi a’ste boladı, sonlıqtanda bul sistema, televizor ushın onsha qolaylı kele bermeydi. İslep shıg’arıwshılar toparı bunday ma’seleni sheshiw ushın – operatsiyalıq sistemanın’ tiykarg’ı bo’leklerin ba’rqulla ju’klengen halda bolıwın usınadı, eger televizor o’shken jag’dayda, yag’nıy televizor jalg’ang’anda OS tez arada qosıladı.

Bekan: -Operatsiyalıq sistema basqarıwındag’ı qurılmalar paydalanıwshılar ushın ko’plegen qolaylıqlardı jaratıp beredi. Sebebi uyalı telefonlarg’a da operatsiyalıq sistemalar ornatılg’annan keyin ol aqıllı texnikag’a aylandı. Endi televizorlar. Bularda operatsiyalıq sistemalar basqarıwında islese teletamashago’yler ushın ko’plegen servislerdi usınıwı so’zsiz, sonday-aq internet tarmag’ınada qosıladı. Endi OS ataması jeke kompyuterler, smartfonlar menen bir qatarda televizorlarda qollanılatug’ın boldı.


B. Kalmuratov tayarladı.
Paydalanılg’an web a’debiyat: gadgetblog.ru